Video
Read full review
2017-06-18
94 views
今晚約咗海鮮怪食飯，最鍾意蝦蝦蟹蟹同各樣貝殼類。 所以我一早就 book左九重鮮，應該啱佢口味。可能今日係平日，都唔係好多人，侍應嘅反應係超級快。 👍🏻今次揀左首爾塔，見到 Menu ，未食已經興奮，有蟶子！有北寄貝！仲有象拔蚌！ 湯底方面，我揀咗魚湯，咁樣煮嘅粥先夠鮮味！宜家仲有創新主義醬醬搞搞陣，我就揀左黑蒜同蝦鼓油，黑蒜好特別，個味有少少甜，點魚肉都ok， 不過 overall 都係鼓油正d。yoohoo！開始啦！第一層係蟶子、象拔蚌、北寄貝蟶子好大隻呀，食果先要小心d，唔好倒瀉d汁，好鮮味！一定要飲埋佢！3隻小可愛都好新鮮，因為有在場嘅職員會睇住煮到幾多度煮左幾耐，所以唔洗擔心煮得太熟！第二層有蝦、刀蚌、帶子、野菜百頁豆腐帶子超多汁！好鮮味，又好好肉，一隻唔夠喉呀。 刀蚌，應該即係蜆，都好肥、冇沙，鮮甜！ 蝦就真係超新鮮，應該10分鐘前仲係生嘅！第三層有蟹、花甲、花尾龍躉、芝士丸d蟹膏好似蛋黃咁，好軟熟，好幸福。 隻花甲好似手板咁大，都係要飲埋個汁，好鮮甜！龍躉係連皮蒸，肉質嫩滑，可以試下點其他醬汁，我就試左黑蒜汁，都好鮮味。食到呢度，其實已經飽飽地 🙄🙄🙄第四層 鮑魚、栗米、
可能今日係平日，都唔係好多人，侍應嘅反應係超級快。 👍🏻
今次揀左首爾塔，見到 Menu ，未食已經興奮，有蟶子！有北寄貝！仲有象拔蚌！
湯底方面，我揀咗魚湯，咁樣煮嘅粥先夠鮮味！宜家仲有創新主義醬醬搞搞陣，我就揀左黑蒜同蝦鼓油，黑蒜好特別，個味有少少甜，點魚肉都ok， 不過 overall 都係鼓油正d。
yoohoo！開始啦！
首爾塔
$398
5 views
0 likes
0 comments
第一層係蟶子、象拔蚌、北寄貝
蟶子好大隻呀，食果先要小心d，唔好倒瀉d汁，好鮮味！一定要飲埋佢！
3隻小可愛都好新鮮，因為有在場嘅職員會睇住煮到幾多度煮左幾耐，所以唔洗擔心煮得太熟！
首爾塔
$398
5 views
0 likes
0 comments
第二層有蝦、刀蚌、帶子、野菜百頁豆腐
帶子超多汁！好鮮味，又好好肉，一隻唔夠喉呀。 刀蚌，應該即係蜆，都好肥、冇沙，鮮甜！ 蝦就真係超新鮮，應該10分鐘前仲係生嘅！
第三層有蟹、花甲、花尾龍躉、芝士丸
d蟹膏好似蛋黃咁，好軟熟，好幸福。 隻花甲好似手板咁大，都係要飲埋個汁，好鮮甜！龍躉係連皮蒸，肉質嫩滑，可以試下點其他醬汁，我就試左黑蒜汁，都好鮮味。
食到呢度，其實已經飽飽地 🙄🙄🙄
第四層 鮑魚、栗米、南瓜、番薯、墨汁豬肉丸、福袋（因為唔食牛嘅關係，所以轉左做福袋）
第五層由精華煉成嘅海鮮年糕粥
簡直係精髓所在，因為已經太飽，所以唯有打包聽晚食。
今餐好豐富呀，重質又夠量！
Post
