Video
Read full review
2007-06-10
同好友慶祝生日，壽星女指明嚟呢度食，所以我就聽聽話話喺exactly一個月之前打去餐廳訂枱(真係只接受exactly一個月booking，因為我喺一個月前多一日打去佢都叫我聽日再打過去)。兩個人叫咗:水一支(38蚊) - 係vittel 500ml菠菜湯(48蚊) - 係嗰日嘅daily soup，隻碗好大，份量都可以，好友話唔錯龍蝦湯(65蚊) - 碗就夠大，龍蝦味唔夠，可以話係冇乜...而且幾稀青口(188蚊each) - 因為我同好友都鍾意食mussel，所以就兩隻味都叫嚟share。叫嗰時職員已講明當時(五月)唔係時候，所以啲藍貝會細隻，我哋都唔介意，所以照叫。果然真係好細隻，不過味道(白酒+忌廉同另一款蕃茄)都好好味，只可惜當時藍貝真係未係當做時候...會之後再去食過。跟mussel上嘅薯條- 呢個真係要俾負分，我未食過咁難食嘅薯條，佢哋啲薯條係好幼身嗰隻(幼過M記少少)，不過就又唔夠熱，又油(咬落去成口油)又唔脆又冇薯味(只有油味)，負分。開心果souffle(55蚊) - 十個好味，份量又大，又唔係好甜，非常唔錯。朱古力香蕉crepe(55蚊) - 個chocolate
兩個人叫咗:
水一支(38蚊) - 係vittel 500ml
菠菜湯(48蚊) - 係嗰日嘅daily soup，隻碗好大，份量都可以，好友話唔錯
龍蝦湯(65蚊) - 碗就夠大，龍蝦味唔夠，可以話係冇乜...而且幾稀
青口(188蚊each) - 因為我同好友都鍾意食mussel，所以就兩隻味都叫嚟share。叫嗰時職員已講明當時(五月)唔係時候，所以啲藍貝會細隻，我哋都唔介意，所以照叫。果然真係好細隻，不過味道(白酒+忌廉同另一款蕃茄)都好好味，只可惜當時藍貝真係未係當做時候...會之後再去食過。
跟mussel上嘅薯條- 呢個真係要俾負分，我未食過咁難食嘅薯條，佢哋啲薯條係好幼身嗰隻(幼過M記少少)，不過就又唔夠熱，又油(咬落去成口油)又唔脆又冇薯味(只有油味)，負分。
開心果souffle(55蚊) - 十個好味，份量又大，又唔係好甜，非常唔錯。
朱古力香蕉crepe(55蚊) - 個chocolate sauce同香蕉都好，不過個crepe itself呢......好乾身，又硬，又難切，唔係好得。
兩個女仔諗住食完甜品再傾吓，就叫咗兩杯茶(45蚊each)：一杯Jasmine一杯果茶叫L'opera。佢嗰度啲茶全部來自法國，全部都係幾種味合成(即係jasmine都唔只係jasmine咁簡單，冇記錯好似係jasmine+vanilla)，而L'opera就係幾種生果味道合成。兩杯茶真係值得一讚，好香，以後去agnes b都會再飲佢啲茶。
除咗訂位煩啲之外(個電話要打好多次先通)，其實服務唔錯，員工有禮貌，雖然俾人感覺少少生手，不過時間耐啲應該慢慢變好。
另外一提, 呢間餐廳冇加一架!
Post