Video
Read full review
2017-01-16
5947 views
新屋裝修, 買左部三叔電視, 仲送除夕晚餐兩位用加LED廣告牌show你的新年願望。即係咁, 唔使錢, 又可以同老公睇番我地既新年願望, 仲有幾會等到倒數放煙花唔使迫, 冇理由唔去架!19:30到達優粵閣, 一出lift就有人serve你, 環境好清靜, 地方好大, 一坐低即刻搵三叔個LED牌先。好可惜, 位置錯晒, 張枱咁啱比條柱檔晒; 就算唔擋, 你都未必會睇到, 因為一係你企係到, 一係你烏低身, 咁你都仲有機會見到。算吧啦, 都係等食好啲!侍應問我地需要咩時間上菜, 咁等15分鐘啦, 平伏番啲心情先食應該會好啲, 所以我地19:45開飯!呢個餐包左紅酒, 白酒同香檳, 即係咁, 我地兩個都唔飲酒, 所以轉左飲橙汁。1) 黑魚子水晶餚肉伴芥醬牛粒 - 好好味, 特別係個牛, 真係唔識形容佢, 總之好得2) 松茸瑤柱鴨絲羹 - 唔差既, 但係稍為放得耐左先上枱3) 黑松露醬野菌元貝皇 - 一啲都唔鞋, 好好味, 可以食多幾粒就仲好4) 二崧彩椒炒蘆筍及香蔥頭抽煎班球 - 平時食既係綠色既蘆筍, 今次係白色既, 清甜; 班球個醬味可以較啖少許會比較好一點5) 鮮茄魚湯米線 - 冇特別
19:30到達優粵閣, 一出lift就有人serve你, 環境好清靜, 地方好大, 一坐低即刻搵三叔個LED牌先。好可惜, 位置錯晒, 張枱咁啱比條柱檔晒; 就算唔擋, 你都未必會睇到, 因為一係你企係到, 一係你烏低身, 咁你都仲有機會見到。
算吧啦, 都係等食好啲!
侍應問我地需要咩時間上菜, 咁等15分鐘啦, 平伏番啲心情先食應該會好啲, 所以我地19:45開飯!
呢個餐包左紅酒, 白酒同香檳, 即係咁, 我地兩個都唔飲酒, 所以轉左飲橙汁。
1) 黑魚子水晶餚肉伴芥醬牛粒 - 好好味, 特別係個牛, 真係唔識形容佢, 總之好得
2) 松茸瑤柱鴨絲羹 - 唔差既, 但係稍為放得耐左先上枱
3) 黑松露醬野菌元貝皇 - 一啲都唔鞋, 好好味, 可以食多幾粒就仲好
4) 二崧彩椒炒蘆筍及香蔥頭抽煎班球 - 平時食既係綠色既蘆筍, 今次係白色既, 清甜; 班球個醬味可以較啖少許會比較好一點
5) 鮮茄魚湯米線 - 冇特別, 同我平時食既咁上下, 而且又係攤凍了
6) 杏香奶布甸伴東方美人茶奶凍 - 恕我唔識欣賞, 又或者係我唔太食杏味既野, 所以唔太like
Other Info. :
呢個除夕餐要五千幾蚊兩位用, 基本上唔係唔使錢我地都唔會食, 加上真係覺得值呢個價錢? 或者係因為除夕, 因為佢個view可以睇到煙花。但係, 每道菜既上菜時間起碼要半個鐘至四十五分鐘, 加上不停望住周圍既人遲過我地到但食得快過我地既時候, 真係忟忟地 (吹極侍應都唔會比個答覆你, 難道你們的態度是這樣嗎?)。
(The above review is the personal opinion of a user which does not represent OpenRice's point of view.)
Post
