王家沙 (Closed)

位於九龍城又一城既王家沙，地理位置非常之優越。你往往對位於商埸底層既食肆佢個環境冇咩想像，因為通常都係一堆餐廳匯聚而成既food court，不過九龍塘既王家沙並非如此，成為左果到脫俗既餐廳。呢到既光源並非依靠燈發出既光，而係天然光，靠既就係帶有溫暖陽光，係呢到食餐飯真係特別舒服!話就話係下午茶，但因為都幾肚餓，又想食多少少肉，所以有醉嘉美雞既出現。即刻食緊既係冷盤，一碟暖色既菜式加上天然光照射，令整個人添左分暖意。有賣相既嘉美雞，自然有咁上下既味道：冇錯，咬落有雞肉應有既絲狀，顯示出雞肉一啲都唔老。而且微帶酒味，彌補左淨食雞肉寡既感覺。我自己雖然唔食辣，但去親呢啲地方種係想食紅油抄手，結果：呢個紅油抄手對唔食得辣既我黎講叫接受到，而且帶甜味，兩啖食完一粒，又想即刻夾過第二粒食。肉肥瘦均衡，唔洗花好長時間咀嚼，不過我覺得佢條尾太長。小籠包最緊要皮薄多汁，汁既份量可以再多啲啲，而且上黎果陣唔夠熱。鮮豆板時蔬，菜新鮮，唔老又唔韌，但我覺得鮮豆板可以再多少少。菜上面有一絲絲金華火腿同幾片既蒜頭，少少咸味提升左整道菜既味道。佢份menu整得幾有心思所以影低左。