朝

Open Now

Now Closed

放假去咗太子始創買嘢，買完就去咗朋友介紹嘅隱世居酒屋chill下。太子鬧市中竟然有一間居酒屋 — 朝 Asa，彎月嘅logo好易認！松子仁果仁麻辣沙律（$78）有nuts香，加少少麻辣沙律醬，惹味又開胃！秋刀魚刺身（$145）正所謂不時不食，秋風起就知係秋刀魚當造嘅季節，今日舖頭有新到秋刀魚當然要試下！我哋叫咗一條魚大概有八件刺身，魚肉營養豐富，加少許酸汁，入口清爽又鮮甜！汁燒頂級安格斯牛肉串（$58）粒粒安格斯牛肉質香軟，再即刻飲啖酒，超爽！月見雞肉棒（$68）呢度嘅月見雞肉棒比較圓滾滾，蘸埋日本蛋加上醬油，食落啖啖肉好滿足！燒芝士年糕（$58）私心推薦呢個年糕，燒到外皮香脆，咬落煙韌同爆漿芝士，包住脆口紫菜食增加香氣，飲下酒食下澱粉質就係最簡單嘅快樂！醬燒飯團（$40）送酒重口味之選，拌入飯素嘅飯團搽咗醬油再燒到外面香脆，紫菜同芝麻夠香口。燒菠蘿（$35）雖然甜度稍為遜色，但燒到幾香同多汁。颯 純米大吟釀（$288）今日店員推薦咗呢枝比較甜、微辛口嘅大吟釀，聞落淡淡果香味，入口温順柔和。鐘意飲酒嘅朋友不妨可以考慮下Asa嘅任飲放題，飲個夠本！