Video
Read full review
2023-12-28
13 views
平時真係好鐘意食烤魚🤤好多時經過九龍城呢間「渝薌烤魚」都好多人食，非常熱鬧！呢日終於得閒過嚟食下～午市優惠二人餐 ，包括烤魚、一款配菜、白飯兩碗及一個小食先送上烤魚，老闆推介麻辣味，要咗小辣配菜就要咗娃娃菜！半條烤魚都好有份量，絕對夠曬兩個人食～ 烤魚鋪滿豆豉辣椒，未食已經聞到好香🤤魚皮烤到脆卜卜，魚肉嫩滑，越煮越惹味，越食越麻，送飯一流呀！小食揀咗麻辣猪耳，口感爽脆配上麻辣汁，真係好惹味，又唔會太辣😋仲有香脆嘅花生及青瓜條，好味～另外仲加咗一串燒鮮白鱔，白鱔皮燒到好香脆，肉質爽彈又肥美，加上用咗少少孜然粉作調味，真係好香口😋十分推薦～呢到嘅烤魚同平時食開嘅好唔同，用上豆豉作調味，好特別，可以一試！白鱔好正，必食！
午市優惠二人餐 ，包括烤魚、一款配菜、白飯兩碗及一個小食
先送上烤魚，老闆推介麻辣味，要咗小辣配菜就要咗娃娃菜！半條烤魚都好有份量，絕對夠曬兩個人食～ 烤魚鋪滿豆豉辣椒，未食已經聞到好香🤤魚皮烤到脆卜卜，魚肉嫩滑，越煮越惹味，越食越麻，送飯一流呀！
小食揀咗麻辣猪耳，口感爽脆配上麻辣汁，真係好惹味，又唔會太辣😋仲有香脆嘅花生及青瓜條，好味～
另外仲加咗一串燒鮮白鱔，白鱔皮燒到好香脆，肉質爽彈又肥美，加上用咗少少孜然粉作調味，真係好香口😋十分推薦～呢到嘅烤魚同平時食開嘅好唔同，用上豆豉作調味，好特別，可以一試！白鱔好正，必食！
Post
