Video
Read full review
2024-01-03
242 views
朋友最近搬咗去土瓜灣，過去慶祝佢新居入伙加係附近搵下有咩好嘅餐廳，嚟到有唔少餐廳嘅啟岸巷子，當日就揀咗食西班牙x日本fusion菜嘅Still🫶🏻▫️Set Dinner for 2 套餐包 Tapas 9選3、Main Course 4選1同Sweets 2選1，點呢個套餐飲品仲買一送一，真係非常豐富😆ღ 啤酒蒜片蝦第一個Tapas揀咗啤酒蒜片蝦，蝦仁有成五六隻，蝦肉爽彈結實，加咗燈籠椒、蒜片同本地黑啤一齊煮，夠曬惹味仲可以食到少少麥味，味道上幾有層次。ღ 香煎慢煮八爪魚 (+$38）第二個Tapas係八爪魚，八爪魚勁大條，加$38都幾值！可以沾芥末蛋黃醬同墨汁蛋黃醬，個人鍾意芥末蛋黃醬多啲，有少少辣味又唔會鹹。食八爪魚最驚韌到咬唔開，呢個慢煮version就冇呢個問題，肉質彈牙唔會韌🥰ღ 牛肉他他最後一個Tapas就揀咗牛肉他他，生牛肉撈埋紫洋蔥同上面嘅秘製蛋黃醬再放上麵包一齊食，成件事都好夾😋食完仲可以再加麵包，可以揀橙皮同酸種麵包，我梗係兩款都叫嚟試吓啦！店員就建議先食酸種麵包，因為橙皮麵包味道會比較濃。橙皮麵包配牛肉他他真係好有驚喜，橙味香甜又唔會搶咗他他嘅鮮味😍ღ 招牌西班牙
▫️Set Dinner for 2
套餐包 Tapas 9選3、Main Course 4選1同Sweets 2選1，點呢個套餐飲品仲買一送一，真係非常豐富😆
ღ 啤酒蒜片蝦
第一個Tapas揀咗啤酒蒜片蝦，蝦仁有成五六隻，蝦肉爽彈結實，加咗燈籠椒、蒜片同本地黑啤一齊煮，夠曬惹味仲可以食到少少麥味，味道上幾有層次。
ღ 香煎慢煮八爪魚 (+$38）
第二個Tapas係八爪魚，八爪魚勁大條，加$38都幾值！可以沾芥末蛋黃醬同墨汁蛋黃醬，個人鍾意芥末蛋黃醬多啲，有少少辣味又唔會鹹。食八爪魚最驚韌到咬唔開，呢個慢煮version就冇呢個問題，肉質彈牙唔會韌🥰
ღ 牛肉他他
最後一個Tapas就揀咗牛肉他他，生牛肉撈埋紫洋蔥同上面嘅秘製蛋黃醬再放上麵包一齊食，成件事都好夾😋食完仲可以再加麵包，可以揀橙皮同酸種麵包，我梗係兩款都叫嚟試吓啦！店員就建議先食酸種麵包，因為橙皮麵包味道會比較濃。橙皮麵包配牛肉他他真係好有驚喜，橙味香甜又唔會搶咗他他嘅鮮味😍
ღ 招牌西班牙海鮮炒飯
第一次見有左口魚同三文魚籽嘅西班牙海鮮炒飯，呢個日式嘅煮法夾👍飯粒煙靭口感一流
ღ Chewy Sweets
有迷你版Churros同黃豆粉+抹茶厥餅，Churros點埋朱古力醬邪惡得嚟又好食😋
ღ 招牌西班牙水果茶
造型好可愛，細細個杯入面仲有橙、蘋果同藍莓，飲落清新又唔會甜
ღ 熱情的蘋果特飲
好refreshing嘅選擇，甜度啱啱好
呢間真係可以話係隱世寶藏餐廳，位置離土瓜灣地鐵站好近，但係人流唔多。店員都好仔細咁講解每一道菜，食物配搭創新，菜式好食又有驚喜，絕對係值得比多啲人認識呢間餐廳🤓
Post
