Coti the Bistro (五芳街)

Open Now

Now Closed

琴晚約咗朋友去新蒲崗拎嘢, 拎完就去 ❥⧽Coti the Bistro ❥⧽食飯。餐廳入口係一幅藍色牆, 感覺好隱蔽, 入到去有另一種感覺, 木系簡潔, 座位都坐得幾舒適。𓊈煎慢煮西冷配薯條及沙律 $𝟷𝟾𝟾𓊉所有套餐都會配餐湯/ 沙律, 我地揀咗羅宋湯, 味道香濃。慢煮西冷幾大塊, 亦好軟腍, 筋位唔難嚼, 味道方面偏重黑椒同香草味。另外有薯條同沙律伴碟。𓊈法式燉煮羊膝配伴薯蓉 $𝟷𝟹𝟾𓊉羊膝充滿濃濃羊肉味, 食落有少少羶, 整得剛剛好唔黐骨, 肉質軟腍, 鐘意食羊嘅應該會好滿意, 下面個薯蓉吸收曬羊肉味, 好香濃同幼滑。𓊈提拉米蘇窩夫 $𝟾𝟾𓊉呢個 Tiramisu 配窩夫幾特別, 用窩夫嚟蘸點 Tiramisu, 食落有唔同層次, Tiramisu 重酒味, 濃稠但呈液體狀, 食落幾幼滑。𓊈焦糖香蕉窩夫 $𝟽𝟾𓊉窩夫外脆內軟, 面層有蜜糖, 甜甜地, 配焦糖香蕉正常發揮。𓊈焦糖布甸咖啡 $𝟺𝟸𓊉咖啡飲落真係好似食緊焦糖布甸咁, 不過都重咖啡味, 幾特別。𓊈抹茶鮮奶 $𝟺𝟸𓊉抹茶鮮奶著重鮮奶味, 搽茶味較為薄身。