Video
Read full review
2011-07-14
8 views
拉麵真係唔錯，幾好食，但係小食就麻麻地 ~發掘美食，真係要好有冒險精神 ﹗係朗豪坊徘徊左好多個圈，見到水牌顯示有札幌拉麵食喎，好想試吓。間舖難搵到痴線，行過幾次都見唔到 ﹗原來位置係地庫電梯底，同間意式快餐店連體，頂 ﹗感覺似坐商場 food court 既通道邊，途人行來行去，都幾嘈吓，坐得唔舒服，枱細舖位細，放兩碗拉麵加碟小食已好迫夾，仲要加多兩杯飲品，爆晒 ﹗要縮埋就住食點會食得暢快。侍應們都好年青，似學生多，服務平平有待培訓，而且流程幾混亂吓。雖然出品未話真係十分好味，但麵質、用料同湯底我算係滿意既，可以返轉頭，會再幫襯 ~其實最初想去朗豪酒店食米芝連中菜，不過已去過多次，有點悶，想試吓新野 ~ 所以係朋友到達前係朗豪坊逛來逛去足足 45 分鐘，希望搵到間新嘗試，但要穩陣既，是關帶朋友食飯，又交比我揀地方，都想食好啲，唔好得失朋友麻 ~ 依餐拉麵都幾貴，埋單差不多 HKD600 ~日式蝦餃子，但無講到底係煎？炸？烚？定係蒸呀？其實心裡面估佢會係煎架，上枱時唔覺有任何煎過炸過既痕跡喎，最後都見到餃子底係煎過既。溫度只微暖不熱，無煎餃子應有既香味。口感腍劈劈，連金黃色既底都一樣。每
發掘美食，真係要好有冒險精神 ﹗係朗豪坊徘徊左好多個圈，見到水牌顯示有札幌拉麵食喎，好想試吓。間舖難搵到痴線，行過幾次都見唔到 ﹗原來位置係地庫電梯底，同間意式快餐店連體，頂 ﹗感覺似坐商場 food court 既通道邊，途人行來行去，都幾嘈吓，坐得唔舒服，枱細舖位細，放兩碗拉麵加碟小食已好迫夾，仲要加多兩杯飲品，爆晒 ﹗要縮埋就住食點會食得暢快。侍應們都好年青，似學生多，服務平平有待培訓，而且流程幾混亂吓。雖然出品未話真係十分好味，但麵質、用料同湯底我算係滿意既，可以返轉頭，會再幫襯 ~
其實最初想去朗豪酒店食米芝連中菜，不過已去過多次，有點悶，想試吓新野 ~ 所以係朋友到達前係朗豪坊逛來逛去足足 45 分鐘，希望搵到間新嘗試，但要穩陣既，是關帶朋友食飯，又交比我揀地方，都想食好啲，唔好得失朋友麻 ~ 依餐拉麵都幾貴，埋單差不多 HKD600 ~
日式蝦餃子，但無講到底係煎？炸？烚？定係蒸呀？其實心裡面估佢會係煎架，上枱時唔覺有任何煎過炸過既痕跡喎，最後都見到餃子底係煎過既。溫度只微暖不熱，無煎餃子應有既香味。口感腍劈劈，連金黃色既底都一樣。每隻餃子既皮都腍到破爛，肉汁同味道都流失。餡料鬆散，有醃過既豬肉碎跟蔬菜撈埋，味道還可以，蝦仔口感硬實無鮮味，雪藏兼煮過火。到底個廚師識唔識點去烹調日式餃子架？﹗傳統都會用半煎半蒸方法將餃子煮熟，先將餃子煎成金黃色，再灒水蓋上半蒸焗便成，就熱騰騰上枱。現時既情況似係煎完攞去烚，烚到啲皮爛晒。係咪一早煮定備用，有客 order 時就攞去烚一烚或係用微波爐返熱呢？﹗如果係貪快偷懶的話，倒不如轉做炸餃子喇 ﹗
明太子釀雞中翼，雞中翼醃得入味又炸得好香脆，好味、滿意。但係釀係裡面既明太子完全無味，真係唔知食緊咩囉，雞翼味好濃，已完完遮蓋明太子既鮮味。
照燒銀鱈魚，簡單既一道菜，只要耐心留意火喉已經可以煮得非常好。燒得外脆內嫰，魚味夠，肉汁豐富，魚皮膠口嚥靭，幾好。
極上拉麵，終於到全晚既主角喇 ﹗其實係什錦海鮮，但係用貴價食材，全場最貴 HKD168 ﹗賣相就一流喇，有北海道帆立貝、碳燒長腳蟹腳同蟹身、海中蝦、魷魚、牙菜、蔥花、等等，份量十足，配上醬油湯底。長腳蟹啲殼軟腍腍，食既時後只需用牙一擠，啲肉就會出晒黎，唔需要落手食，又唔洗咬到牙到崩，食得方便。雖說蟹係急凍貨，但不失蟹肉鮮味，加上淡淡消烤香仲正，啖啖肉，我最愛 ﹗帆立貝口感軟棉棉，海鮮味濃，好味。發現蝦都係同一問題，口感硬實，鮮味欠奉喎。另外，魷魚都幾靭吓，無爽口感覺，依兩樣真係要多加注意。麵質相當滿意，有拉麵既嚥靭口感，但未到彈牙既程度。
和牛拉麵，和牛煎得好好味，牛味濃、香口、嫰滑，正呀，全場第二貴 HKD158 ﹗除和牛外，仲有筍、昆布、大蒜、芽菜、等等。醬油湯底已跟和牛肉汁混和，有好香既牛肉味道，連湯到飲晒。拉麵質地同味道可以接受，如果可以做到彈牙口感就更好。發現有個小問題，食到最尾段既時候，味道開似有點苦澀，應該係黏係和牛上面既碳灰溶入湯之中，要多加留意。
Post
