鱷魚泰國餐廳 (Closed)

是日同媽媽到九龍城訂蛋糕，訂完周圍行下踱下，不消一會肚子已經有點餓。行到一間門口貼住鱷魚公仔的泰國餐廳，未食過就入去試一試。泰式炒金邊粉 - 造型別緻，粉炒得乾爽彈牙，蝦仁大顆得來又爽口！再配上花生碎粒，青檸檬等等更能突出味道。咸肉炒菜苗 - 菜苗色澤翠綠，食落乾爽，口感嗦嗦聲。咸肉肉質軟稔，富有微微肉汁，挺惹味！菠蘿沙冰 - 天氣炎熱，特別想飲冰凍的飲品消暑解膩！菠蘿酸酸味味，配上細碎的沙冰，份外透心涼！椰青沙冰 - 原個椰青呈上，冰凍十足！飲落富有濃濃的椰味，挺舒喉！