串囍

Open Now

Now Closed

屯門搵食竟然試到一間隱世串燒店，質素唔錯而且價錢實惠，食咗幾樣野，覺得最正係個燒鰻魚，燒得夠乾身夠透，外面微微脆嘅魚皮將鰻魚嘅肉汁同埋魚油鎖住，一啖咬過去嘅時候直頭feel到D魚油滲出黎，佢塊魚皮仲要燒到少少燶，食串燒或者燒烤其實最重要就係呢個感覺。佢個燒蠔都幾好食，雖然D蠔嘅size唔係話好大，不過勝在一啖一隻，火喉都算掌握得幾好，唔會變蠔乾蠔豉，另外佢上面加埋蒜蓉同飛魚子嘅汁都好好味。呢度好似係生力場，唯有飲麒麟draft啦，見佢仲有德國麥啤同一隻橙色嘅西柚啤都好似幾正，都有幾多選擇。最後encore多一set串燒，肉類同蔬菜各一半，減低自己嘅罪惡感啦。