串囍

Open Now

Now Closed

最近上網成日見到有人介紹呢間餐廳，不過就真係住得離屯門好遠。好彩有朋友今個月生日，而又係住屯門附近，咁就一於落入去搵佢食餐飯加試吓呢間餐廳啦。朋友5:30就放工，我去到接佢嘅時候啱啱好六點，行到過餐廳嘅時候只係六點幾，但係去到間餐廳已經有兩台客啦。咁啱去到仲係happy hour，咁就一於叫杯啤酒飲吓啦，估唔到呢度嘅黑啤只係$58就有一杯，真係好啱一大班朋友一路飲啤酒一路傾偈呀。聽講呢度嘅雞串燒拼盤係最出名，而且仲有嘢飲送，仲可以用優惠價加嘢食，咁就一於試吓啦。我覺得呢度最值得食嘅就係呢個雞頸肉，因為比較特別，而且食落雞肉好嫩。呢個雞味都好值得讚賞，出面好似唔係好多地方食到，但係食落好好食。朋友太肚餓，叫咗個叉燒拉麵煮烏冬。一上枱已經見到好吸引，而且好香，我試咗一啖又真係好好食。估唔到呢度除咗串燒好食之外，連烏冬都整得咁好。另外我覺得抵食嘅就係呢個牛肋肉，佢嘅價錢好平，但係食落牛味好夠，燒嘅時間亦都啱啱好。呢間餐廳又平又好食，而且環境好日本feel，唔怪得咁多客啦，下次有機會都一定會再嚟食呀。