Mashi No Mashi

Open Now

Now Closed

作為沾麵控，當然要不停發掘香港有咩好食嘅沾麵店。Mashi no mashi 其實留意左好耐，佢係隔離主打和牛走高檔路線嘅「和牛黑手黨」嘅副線沾麵店。雖然叫穩世（因為location極遠離鬧市，座落響一條了無人煙嘅街道中），但其實人氣都一直相當高企，經常都有排長龍嘅情況。所以我哋放假就趁佢一開門就去幫襯。當日12:30 就到，基本上仲未有人唔洗排隊。落order係自助形式，有部自助販賣機，不過都會有職員輔助，服務非常周到。我哋點左兩款沾麵，試吓唔同口味。店舖座位唔算多，得bar枱位置，坐位都只有10個左右，唔怪得經常要排長龍啦🤣特製和牛沾麵 $150 👍🏻👍🏻👍🏻👍🏻👍🏻個湯有好濃旭嘅鰹魚味，可以掛倒麵（沾麵黎講係必須的），個麵都好煙韌，整體係好食。重點在於個和牛，佢只係用火槍係咁二燒左兩下，所以仲係好嫩顏色仲係好pink🤣，真係入口即溶，好有牛脂嘅香味，的確係正嘢黎。雖然份量唔多，但重質不重量，啲個價錢都值。激辛武士沾麵 $165 👍🏻👍🏻👍🏻👍🏻其實個麵係一樣，只係沾醬唔同，雖然叫極生但係其實唔係好辣。比較起上嚟，我鍾意原味多啲，因為個醬汁比較油膩，同個極肥美嘅和牛未係好完美配搭。