Owl’s Stage (Closed)

太子一向多嘢食，經過見到呢間餐廳幾乎滿座，決定入嚟試吓😌環境幾骨緻，掛咗好多食物係出乎意料咁好味，調味係加分位👍👍選擇都好多，可以揀set dinner ，或者散叫。我就試咗set dinner嘅燒紐西蘭肉眼扒(8oz)($238)牛扒🥩肉質好唔錯，裹面嫩滑，外面煎封得油香濃郁，醃料唔錯，配南瓜蓉好有驚喜，平衡返咸甜，醬料仲有芥末醬同另一款秘製醬汁，調味一流！由於係套餐仲配有沙律同埋一杯嘢飲，今次試咗熱朱古力，餐廳仲拉花加人樣好貼心！燒焗德國鹹豬手配香草牛油焗薯角非常之香脆($228)調味亦都係唔錯，食得出餐廳又好特別花心思喺調味上面，調味唔係面層，內裏都有👍值得一讚