Video
Read full review
2020-01-30
2616 views
好耐冇覓食啦，估唔到今次出山之選有驚喜。點會搵中佢呢？都係跟朋友嘅。講真大角咀真係有ｄ 隱世，好在都近巴士站同奧運站，都算一落就係，易搵。今次跟大隊，朋友已經安排好食嘜，咿~咿~ 安排有ｄ料到呀。我地中意摸吓酒杯底，酒水唔貴，以我買開嚟講，同出面差唔多甚至平ｄ，我見好幾支個價唔計開瓶費都平過出面，咁不如喺度開，種類多，都 ok。飲酒梗係要"送"酒，Host 都識食呀冇令人失望。先嚟西班牙 5J Jamón Ibérico 全橡果黑毛豬火腿，呢隻係叫 Jamón，但好多人都叫佢 ham，錯晒！佢係世界四大頂級食材之一 ( 世界四大頂級食材： 5J Jamón Ibérico、意大利白松露、法國鵝肝、法國魚子醬），佢肉味濃厚鹹香，油脂係胺基酸嚟，一啖火腿一啖酒，絕配，加埋 48 個月法國 com`t 芝士，酒體會變化，舊芝士千祈唔好吞住呀！！世上"送"酒冇嘢好得過咁樣，一世人真係起碼都要咁食一次唔係講笑，唔係都唔好同人講＂我飲 wine＂。跟住到香煎法國頂級鵝肝多士，痴咗線，Host 都醒，叫咗兩種， 法國鵝肝多士 ($250/4件) 同法國頂級鵝肝多士 ($300/2件)，論份量其實爭
今次跟大隊，朋友已經安排好食嘜，咿~咿~ 安排有ｄ料到呀。
我地中意摸吓酒杯底，酒水唔貴，以我買開嚟講，同出面差唔多甚至平ｄ，我見好幾支個價唔計開瓶費都平過出面，咁不如喺度開，種類多，都 ok。飲酒梗係要"送"酒，Host 都識食呀冇令人失望。先嚟西班牙 5J Jamón Ibérico 全橡果黑毛豬火腿，呢隻係叫 Jamón，但好多人都叫佢 ham，錯晒！佢係世界四大頂級食材之一 ( 世界四大頂級食材： 5J Jamón Ibérico、意大利白松露、法國鵝肝、法國魚子醬），佢肉味濃厚鹹香，油脂係胺基酸嚟，一啖火腿一啖酒，絕配，加埋 48 個月法國 com`t 芝士，酒體會變化，舊芝士千祈唔好吞住呀！！世上"送"酒冇嘢好得過咁樣，一世人真係起碼都要咁食一次唔係講笑，唔係都唔好同人講＂我飲 wine＂。跟住到香煎法國頂級鵝肝多士，痴咗線，Host 都醒，叫咗兩種， 法國鵝肝多士 ($250/4件) 同法國頂級鵝肝多士 ($300/2件)，論份量其實爭好少，頂級嗰隻好大好厚，都可以開４件，味道就鵝肝多士都已經好出色，夠甘香撲鼻，油脂佳唔漏；頂級鵝肝個甘味則更為醇厚， 油香更豐盛，各有千秋，選擇上勝在頂級鵝肝個農場聲稱自己全天然道德飼養，冇咁罪惡。
主菜比較特別少見，有美國荷爾蒙斯乳牛肉眼同威靈頓鹿柳，無錯，係黑白色乳牛嗰種乳牛，同鹿柳，真係冇諗過乳牛會攞嚟食，塊扒好大好厚，嫩滑，肉味濃
冇愈食愈膩嘅感覺，反而重帶到支百零蚊嘅紅酒更正更好飲！呢個好介紹，有驚喜！！ 威靈頓鹿柳又係絕配， 威靈頓牛柳都叫食過， 威靈頓鹿柳真係聽都未聽過，話係老闆賣賣吓威靈頓牛柳同英國鹿柳，忽發奇想將兩樣撞吓，人間一絕就誕生啦，佢威靈頓豬柳都有架喎，真係問你估得邊樣？嚟親自試吓啦，真係都唔知從何表達，酥皮香噴噴，切落去有聲，味道層次豐盛過牛柳好多，更濃郁，更複雜強烈，如果接受到係鹿同食生 d 嘅，試佢值得試過威靈頓牛柳。
最後三度菜色，法國野生鱒魚子阿拉斯加蟹肉意大利飯、蘋果白酒香草燒法國豬五花意大利飯、同大蝦帶子海鮮意大利手工意粉。兩個飯味道各有特色，鱒魚子蟹肉意大利飯個味冇咁強烈，係食鮮甜蟹肉同卜卜脆鱒魚子為主（鱒魚子 "送" 香檳又係冇得頂），口感好得意架，味道令人好舒服追住食；豬五花意大利飯味道香濃惹味，好大對比，食到強烈果香，襯飯兩個都出色。最後大蝦帶子海鮮意大利手工意粉，以為老闆咁堅意粉都自己搓埋，唔係，係意大利嗰面即搓好即急凍飛過嚟，好彈牙，個人覺得有 d 似油麵但彈過嘅，個汁好濃似龍蝦湯個味，大蝦夠爽，帶子都唔係細細粒縮晒水咁，可以再嚟！！菜色太多選擇，食幾餐都試唔晒。成餐唔貴，超高質素，又冇加一，每人都係幾舊， 抵食呀。
威靈頓鹿柳
$780
44 views
0 likes
0 comments
蘋果白酒香草燒法國豬五花意大利飯
$320
37 views
0 likes
0 comments
法國野生鱒魚子阿拉斯加蟹肉意大利飯
$320
38 views
0 likes
0 comments
美國荷爾蒙斯乳牛肉眼
$580
35 views
0 likes
0 comments
香煎法國鵝肝多士
$250
43 views
0 likes
0 comments
美國荷爾蒙斯乳牛肉眼
$580
30 views
0 likes
0 comments
香煎法國鵝肝多士
$250
37 views
0 likes
0 comments
西班牙Iberico火腿芝士碟
$450
33 views
0 likes
0 comments
大蝦帶子海鮮意大利手工意粉
$280
38 views
0 likes
0 comments
Post
