快車茶餐廳

Open Now

Now Closed

香港其實有好多小店，味道好，價錢抵，只不過因為知名低，又或者位置比較僻，所以少人知道。我食過有好幾間，都幾值得大家去捧場架。快車位於坪洲，係坪洲就無人不曉，只不過我地城市人一來少去坪洲，二來去坪洲都未必食埋晚飯。有幸因工作關係，知道了這間好野。呢道最掂係海鮮，小炒ok不過又冇海鮮咁好。海鮮最好訂定，晚飯都最好訂枱，因為佢都幾滿吓。你仲可以係碼頭市政妹記買料，帶埋去整。花鵰醉蟹係必食，蛋滑勁酒香，蟹鮮詌，但也只是配角。胡椒蝦同黃金蝦兩個都咁掂，要二選一都好難選。胡椒蝦出面少食，黃金蝦比出面好味好多。蝦的質數比出面好好好多。豆卜湯又係必叫，四個人都分到兩碗架。食三味海鮮加一小菜同埋一個湯，每人都唔駛一百五，高質味道好，好抵食。