Video
Read full review
2018-07-14
186 views
啲人成日話工廠區有好多好嘢食，今次朋友介紹咗呢間魔膳廚房，終於去咗試下，果然名不虛傳。由大街上到去店舖門口， 佈滿好多唔同嘅油畫，成個藝術廊咁 ，勁有藝術氣息。而且仲見到原來好多明星都有幫襯過架。入到去餐廳完全唔覺得喺工廠區，餐廳裝修有特色，有格調。中間有一個好吸睛嘅沙律吧，七彩繽紛。老闆話睇下你叫咩餐，然後加番錢就可以任食沙律吧。一坐低，老闆就介紹新張期間，惠顧任何晚市套餐，加一蚊可以多一個小食，有 帕爾瑪火腿伴哈密瓜、泰式香茅蔗蝦、糯米釀香辣雞翼、精選蛋糕 ，全部都非常吸引，好難揀啊。最後聽老闆介紹，揀咗佢哋出名嘅糯米釀香辣雞翼。 果然真係冇介紹錯，金黃香脆嘅雞翼入面釀住少少嘅糯米，口感十足，而且有少少辣非常之惹味。餐湯方面當然唔少得紅湯同白湯，但今次呢個湯真係不得不介紹，羅宋湯材料真係好豐富，味道配合得啱啱好，唔會太酸，而忌廉湯係周打蜆忌廉湯，粒粒蜆肉新鮮肥美， 湯底唔會太稀，又唔會太傑，質地啱啱好 ，仲充滿忌廉香味， 堅係好好飲。 餐包一樣唔使講，冇得彈，包身鬆軟可口， 完全食得出係新鮮出爐，唔似一般西餐廳嗰啲硬掘掘嘅餐包。加埋牛油更加能夠散發出佢嘅香味。除左餐湯，我地都叫咗兩
啲人成日話工廠區有好多好嘢食，今次朋友介紹咗呢間魔膳廚房，終於去咗試下，果然名不虛傳。
由大街上到去店舖門口， 佈滿好多唔同嘅油畫，成個藝術廊咁 ，勁有藝術氣息。而且仲見到原來好多明星都有幫襯過架。
入到去餐廳完全唔覺得喺工廠區，餐廳裝修有特色，有格調。中間有一個好吸睛嘅沙律吧，七彩繽紛。老闆話睇下你叫咩餐，然後加番錢就可以任食沙律吧。
糯米釀香辣雞翼
12 views
0 likes
0 comments
一坐低，老闆就介紹新張期間，惠顧任何晚市套餐，加一蚊可以多一個小食，有 帕爾瑪火腿伴哈密瓜、泰式香茅蔗蝦、糯米釀香辣雞翼、精選蛋糕 ，全部都非常吸引，好難揀啊。最後聽老闆介紹，揀咗佢哋出名嘅糯米釀香辣雞翼。 果然真係冇介紹錯，金黃香脆嘅雞翼入面釀住少少嘅糯米，口感十足，而且有少少辣非常之惹味。
餐湯方面當然唔少得紅湯同白湯，但今次呢個湯真係不得不介紹，羅宋湯材料真係好豐富，味道配合得啱啱好，唔會太酸，而忌廉湯係周打蜆忌廉湯，粒粒蜆肉新鮮肥美， 湯底唔會太稀，又唔會太傑，質地啱啱好 ，仲充滿忌廉香味， 堅係好好飲。 餐包一樣唔使講，冇得彈，包身鬆軟可口， 完全食得出係新鮮出爐，唔似一般西餐廳嗰啲硬掘掘嘅餐包。加埋牛油更加能夠散發出佢嘅香味。
荔枝玫瑰梳打，藍柑檸檬梳打
13 views
0 likes
0 comments
除左餐湯，我地都叫咗兩杯嘢飲，一杯係荔枝玫瑰梳打，另一杯係藍柑檸檬梳打，又藍又粉，又靚又好味。
法式焗釀田螺
16 views
0 likes
0 comments
頭盤係法式焗釀田螺，上碟外表已經唔駛講，外表金黃，焗得好靚，薯蓉好香，加埋一口田螺，味道絕配啊。
扒大虎蝦配龍蝦汁扁意粉
18 views
0 likes
0 comments
主菜有2樣， 首先係扒大虎蝦配龍蝦汁扁意粉，虎蝦超大隻超新鮮，蝦肉爽口彈牙，扁意粉索曬所有龍蝦汁，條條都充滿著龍蝦香味，加上意粉 火候控制得好好，唔會太硬亦唔會太淋，條條爽口分明， 非常好味。
極上和牛漢堡配薯角
14 views
0 likes
0 comments
另一個主菜，極上和牛漢堡配薯角， 一上枱已經睇到嘩嘩聲， 漢堡之大份量 同埋望落去一層一層嘅美味食材， 真係見到都流曬口水。和牛夠晒厚身，食落去啲肉汁已經必晒出黎，非常juicy。仲有金黃香脆嘅美味薯角作為配菜，另外可以點上秘制醬汁配薯角，份外美味。
檸檬蛋白批
12 views
0 likes
0 comments
焦糖朱古力脆脆三重奏
11 views
0 likes
0 comments
雖然食完咁多已經好飽，但係你知道女仔一食甜品就有第二個胃，所以甜品絕對不容忽視，而且頭先入座經過甜品櫃嘅時候，已經畀佢啲蛋糕吸引住，所以點可以唔叫呢?! 哈哈哈! 最終揀咗檸檬蛋白批同埋 焦糖朱古力脆脆三重奏。兩個甜品淨係賣相已經贏晒，放上facebook肯定唔知呃到幾多個like。檸檬蛋白批面頭一層泡沫，下面嘅蛋糕散發住淡淡檸檬香味，批底都好好味呀，最重要唔會太甜。焦糖朱古力脆脆三重奏仲要再更正，面層係焦糖，中間係chocolate mousse，個底係朱古力脆脆，完全可以一次過滿足你3個願望。
今日真係大滿足，朋友真係無介紹錯，工廠區真係隱藏住好多美食，大家不妨去試下，真係值得推介。
Post
