Bench Cafe

Open Now

Now Closed

在荃灣廣場附近原來都開左越來越多食店，中西日泰都有，在覓食既時候比我搵到間勁有文青feel既cafe店，見內裡環境簡潔，到最後同老婆入去試下嘆下先。見餐牌不是太多選擇，但勝在裡面的食物都好吸引，有all day breakfast、意粉、意大利飯等，又見到本日限定甜品係長崎蜂蜜蛋糕，$18一件又幾抵喎，咁試下一件先都好。【烤加拿大豬肋上蓋配西班牙辣肉腸及手工蛋沙律】一上到來真係好靚又好豐盛，打卡必選。鬆脆的牛角包，加上微辣肉腸或手工蛋沙律，簡值絕配，微微烤過的加拿大豬肋上蓋保持肉汁又夠軟淋，整體不錯。【本菇雞肉意粉配溫泉蛋】這個意粉材料豐富，它的味道不錯，加上半流心的溫泉蛋，撈埋一起食令味道更加濃郁，非常出色。【長崎蜂蜜蛋糕】這個蛋糕第一次食，同平時蜂蜜蛋糕唔同，外表一睇就知自家製，但食落都比較結實又可以保持濕潤度，不錯。【凍Mocha / Chocolate】因今天天氣微微熱返，所以到最後叫了兩杯凍飲，凍Mocha(左)：咖啡味比較突出少少，甜度又不算好甜，一邊飲一邊嘆蛋糕，超正。 凍Chocolate(右)：朱古力味好濃郁，帶點奶香，超正。