松 (Closed)

又來到一個月一次嘅廚師既發板推介，呢間隱秘嘅壽司舖頭，藏住高級、新鮮嘅味道質素。👍🏻廚師發辦前菜三味（第一道）🤍水雲由魷魚同質地好似蒟蒻麵製成既前菜，味道清甜，爽口。🤍魚肝裝滿左一小個兜，魚肝入口即溶，帶有好香嘅餘蘊，加配左紅酒去調味，為魚肝提鮮。🤍日本豆腐配海膽豆腐實際係豆皮，入口好滑，配上新鮮嘅蕃茄醬，酸酸甜甜份外開胃。第二道🤍日本室津蠔蠔肉脹卜卜，入口帶有好濃烈嘅礦物味，海水味都好出。第三道🤍北海道牡丹蝦配鰤魚腩相機絕對要食先嘅一道菜！因為廚師放入咗煙燻啊！北海道嘅牡丹蝦冇一般嘅咁爽口，但係嗰種黏口感卻非常出色，入口鮮甜，肉質肥美。鰤魚腩厚厚一件，微微火炙過逼出油份，油香盡情發揮，食落無咩腥味。🤍麻辣白子用脆米包住既白子，聞落好香，食落驚為天人！白子口感軟滑，乾淨，小小嘅麻辣味並無搶去應有嘅鮮味。🤍壽司七貫（池魚、深海池、金鱔鯛、真鯛、赤鯥、大拖羅、中拖羅）刺身全部喺室溫攤咗一陣。深海池魚比池魚來得爽口一點；金鱔鯛既魚肉柔軟，但同時膠質較重，有點咬口；真鯛食落爽口，厚實一點既感覺，配上小小昆布絲食落帶點鹹香；赤鯥屬比較少見嘅刺身，魚味較濃、油份較重同時亦較淋身。大拖羅配紫蘇葉係推