淼ひよう壽司日本料理 (Closed)

放咗工約好友去日本餐廳食飯，冇諗過隔離枱既食客係日本人呢。餐廳有好多選擇，我地揀咗牛肉壽喜燒、燒日本芝士年糕、雜錦天婦羅同埋鰻魚飯。鰻魚飯好吸引，鰻魚份量十足，外面燒到微焦， 食落好肥厚，油脂豐富，配合醬汁香甜微焦，味道好有層次。下層珍珠米飯粒粒分明，混合鰻魚醬汁真係好好味！一向鍾意食壽喜燒，呢個牛肉壽喜燒用料足，牛肉又嫩滑，yummy😋至於芝士年糕就煙煙韌韌，入面仲有好多芝士，正呀！雜錦天婦羅有蝦、日本南瓜、甘薯、冬菇、矮瓜。炸粉好薄，唔算油膩，因為即炸所以外脆內熱，蝦大隻又好彈牙，其他蔬菜都好甜，食得出係新鮮品質，點埋天婦羅汁提升味道！