Video
Read full review
2020-01-16
1002 views
係灣仔，成日食lunch都排長龍，真係好難搵位。記得同事話呢間小店唔錯，就諗住試下佢。鋪頭真係唔大，堂食只有大概8個位，但買外賣嘅人就好多，果然係有D人氣。Menu 選擇有好多，第一次先試試佢最出名嘅無骨海南雞髀飯（$49）仲附送埋椰子雞湯。海南雞飯真係好有驚喜，佢嘅雞滑之餘夠入味，不得不提嘅係佢嘅飯，同平時嘅油飯唔同，佢入味之餘一D都油膩，仲要好入味，平時食好少飯嘅我都不經不覺食哂成個。仲有嘅係佢嘅配醬都好好味，尤其係薑蓉，佢會加左秘制豉油，配合得好好。佢仲配埋一個紅色嘅醬，同平時唔同，佢有少少紅椒同蕃茄嘅味，又配得幾好喎。不得不提係佢嘅椰子雞湯，雖然係跟海南雞飯送嘅，但真係落足料，好好飲。呢間真係性價比高嘅小店，下次要試埋佢其他東南亞菜。
鋪頭真係唔大，堂食只有大概8個位，但買外賣嘅人就好多，果然係有D人氣。
Menu 選擇有好多，第一次先試試佢最出名嘅無骨海南雞髀飯（$49）仲附送埋椰子雞湯。
海南雞飯真係好有驚喜，佢嘅雞滑之餘夠入味，不得不提嘅係佢嘅飯，同平時嘅油飯唔同，佢入味之餘一D都油膩，仲要好入味，平時食好少飯嘅我都不經不覺食哂成個。
仲有嘅係佢嘅配醬都好好味，尤其係薑蓉，佢會加左秘制豉油，配合得好好。佢仲配埋一個紅色嘅醬，同平時唔同，佢有少少紅椒同蕃茄嘅味，又配得幾好喎。
不得不提係佢嘅椰子雞湯，雖然係跟海南雞飯送嘅，但真係落足料，好好飲。
呢間真係性價比高嘅小店，下次要試埋佢其他東南亞菜。
Post
