My Thai Bar & Restaurant

Open Now

Now Closed

最近遠道去東涌探朋友，到咗午餐時間佢話帶我食好嘢。朋友群之中佢都出名對食要求高，心諗依度係美食沙漠會有咩好嘢呢？原來係屋苑包圍下嘅小廣場有間「隱世泰國餐廳」。室內設計有啲泰國貴族風，以柔和色調配搭，令人感覺舒服放鬆。中央位置設置飲品沖調吧，成個觀感更增添氣派。另外食物方面，夏日炎炎個人想食濃味野開胃下，於是揀咗黃咖哩牛肉飯。牛肉份量多，肉質嫩滑，配上濃郁黃咖哩十分掛汁。微辣黃咖哩帶有清甜椰奶味，質地濃稠。以咖哩粉平衡整體咸度，配上小蕃茄天然酸甜味，入口順滑舒服，開胃下飯。朋友果然無介紹錯，下次去outlet 行街可以過嚟自私食，或者一大班朋友係度搞飯聚都係好選擇。