Video
Read full review
2023-08-04
1644 views
朋友知我鍾意食泰國嘢,帶咗我去葵芳一間隱世嘅泰越式餐廳~ 呢間餐廳有2層,下層坐位比較少,我哋坐上層,地方寬闊,裝修唔似一般泰越式餐廳,反而比較有文青feel,仲有好多貓貓掛畫裝飾~ 老闆係愛貓之人,舖頭有4隻好活躍嘅黑貓🐈⬛好似巡視業務咁周圍行,但又唔會阻礙客人用餐,感覺好舒服,好啱情侶,或者三五知己,一家大細去👍我哋叫咗泰式椰子雞湯🥥上到枱已經聞到淡淡嘅椰子香味,而且仲有好多雞肉,菇類同香茅,好足料,雞肉煲完依然保持嫩滑,唔會乾柴柴,味道香甜😋重頭戲係是日精選嘅咖哩海鮮農夫飽🦀🦐🦑🦪🍞海鮮有炸蝦,軟殼蟹,魷魚,帶子等等...好豐富！炸蝦好大隻,軟殻蟹啖啖肉,份量好足,炸得香脆,再配上香濃嘅咖喱汁真係好食到停唔到口！最正係農夫飽,索晒香辣度適中而帶微甜咖喱汁,好惹味😋簡直係絕配👍員工推介嘅冬陰功焗薯條🧀🍟係由冬陰功味薯條再加上芝士去焗出嚟,外脆內嫩,而且真係有拉絲嘅感覺,味道幾特別,唔錯😋叫咗個越式蔗蝦做小食,蔗蝦肉咬落好彈牙,應該全部都係用蝦膠打出嚟先有咁嘅口感,啖啖肉好鮮！叫咗兩杯沙冰,朋友揀咗檸檬乳酪沙冰🍋檸檬酸酸甜甜好清新,我揀咗芒果沙冰🥭每啖都充滿芒果嘅香甜味,鍾意芒果嘅
我哋叫咗泰式椰子雞湯🥥
上到枱已經聞到淡淡嘅椰子香味,而且仲有好多雞肉,菇類同香茅,好足料,雞肉煲完依然保持嫩滑,唔會乾柴柴,味道香甜😋
重頭戲係是日精選嘅
咖哩海鮮農夫飽🦀🦐🦑🦪🍞
海鮮有炸蝦,軟殼蟹,魷魚,帶子等等...好豐富！炸蝦好大隻,軟殻蟹啖啖肉,份量好足,炸得香脆,再配上香濃嘅咖喱汁真係好食到停唔到口！最正係農夫飽,索晒香辣度適中而帶微甜咖喱汁,好惹味😋簡直係絕配👍
員工推介嘅冬陰功焗薯條🧀🍟
係由冬陰功味薯條再加上芝士去焗出嚟,外脆內嫩,而且真係有拉絲嘅感覺,味道幾特別,唔錯😋
叫咗個越式蔗蝦做小食,蔗蝦肉咬落好彈牙,應該全部都係用蝦膠打出嚟先有咁嘅口感,啖啖肉好鮮！
叫咗兩杯沙冰,朋友揀咗檸檬乳酪沙冰🍋
檸檬酸酸甜甜好清新,我揀咗芒果沙冰🥭
每啖都充滿芒果嘅香甜味,鍾意芒果嘅朋友
一定要試👍
PS: dinner有一人餐或者二人餐可以選擇,仲有lunch同下午茶好經濟抵食😋
Post
