味道樂居酒屋 (元州街) (Closed)

為了方便朋友放工來吃飯，所以今次選擇了在長沙灣的味道樂居酒屋香炸薄脆魚片$48好大碟，有好多脆魚片，可以由頭食到落尾，一邊傾偈飲酒，一邊食！魚片切得夠薄，炸得夠脆，好香口！深海池魚王刺身( 薄切) $128擺碟十分精美，池魚刺身切得夠薄且完好無缺，魚片數量幾多，最緊要刺身夠新鮮！池魚附上不同的調味，可以按個人喜好配搭。鐵板蒜片香煎厚切牛舌$88牛舌用鐵板送上，上菜時還有油的滋滋聲，很香。牛舌厚切，咬落入面軟，夠juicy ，出面煎到有點微脆，連蒜片一齊食，好好味！大蔥特上吞拿魚腩卷$98呢個啱多人一起吃，吞拿魚腩卷上面佈滿了厚厚的吞拿魚腩蓉，加上蔥花，吞拿魚腩蓉在口中溶化，食落口感層次更豐富！原條成田醬炭火燒鰻魚飯$138這個鰻魚飯我見很多人都有推介，所以就叫來試試這個鰻魚飯用上原條鰻魚，十分大條，而且鰻魚十分厚，因為炭火燒的關係，鰻魚吃落有陣陣的炭火味，而且味道更濃烈！因為鰻魚夠大條，所以基本上每一啖飯都配有鰻魚，十分滿足，啱晒喜歡吃鰻魚的人！個人覺得好抵食。食飯途中有三個日本人也來吃，他們不像第一次來，似是常客，也許這間居酒屋讓他們想起日本。