Video
Read full review
2023-06-30
69 views
今次去咗中環一間頂級嘅拉麵店呀，淨係聽佢個名就已經夠架勢。日本著名冠軍級拉麵大師林隆臣同埋日本人氣拉麵的廚藝界領袖人物松村大，一齊去設立嘅國際旗艦拉麵品牌，因為喺日本大受歡迎所以就想將呢個美食帶嚟香港。因為今次係同成班朋友一齊食所以都試咗好多唔同嘅拉麵，感覺就好似拉麵放題咁。等我介紹幾款覺得印象深刻嘅俾大家啦。⚜️涼風紅楚蟹高湯鹽冷麵湯底係用咗來自日本嘅用紅楚蟹熬製，蟹湯真係非常鮮味呀，加上佢係一個冷麵，夏天食感覺一流呀。拉麵上有一個泡泡造型，一觸即破，淨係用嚟影相打卡就已經一流啦。⚜️九味醬油湯拉麵咁呢一款拉麵呢就係由九種特級日本醬油調製而成，所以佢嘅湯真係冇得彈，每一啖面都可以食到獨特嘅感覺，味道超濃郁。加上佢係配有一個特製醬油醃製的 3cm 厚切慢煮叉燒，感覺有啲似食緊東坡肉，有入口即溶嘅感覺，但係又唔會好膩，真係好味到停唔到口。⚜️特級白湯拉麵呢一款呢係「立体派」既招牌拉麵，佢係完全用天然食材去熬製嘅，絕對冇任何嘅味精同埋調味劑，所以呢個獨特嘅湯底就係呢碗麵嘅靈魂，佢係用咗日本米鴨同埋有機飼養的京都丹波地雞熬製而成，真係每一啖湯底嘅味道層次都係非常豐富。⚜️大阪芫荽和風蕃茄湯拉麵呢一款
因為今次係同成班朋友一齊食所以都試咗好多唔同嘅拉麵，感覺就好似拉麵放題咁。等我介紹幾款覺得印象深刻嘅俾大家啦。
⚜️涼風紅楚蟹高湯鹽冷麵
湯底係用咗來自日本嘅用紅楚蟹熬製，蟹湯真係非常鮮味呀，加上佢係一個冷麵，夏天食感覺一流呀。拉麵上有一個泡泡造型，一觸即破，淨係用嚟影相打卡就已經一流啦。
⚜️九味醬油湯拉麵
咁呢一款拉麵呢就係由九種特級日本醬油調製而成，所以佢嘅湯真係冇得彈，每一啖面都可以食到獨特嘅感覺，味道超濃郁。加上佢係配有一個特製醬油醃製的 3cm 厚切慢煮叉燒，感覺有啲似食緊東坡肉，有入口即溶嘅感覺，但係又唔會好膩，真係好味到停唔到口。
⚜️特級白湯拉麵
呢一款呢係「立体派」既招牌拉麵，佢係完全用天然食材去熬製嘅，絕對冇任何嘅味精同埋調味劑，所以呢個獨特嘅湯底就係呢碗麵嘅靈魂，佢係用咗日本米鴨同埋有機飼養的京都丹波地雞熬製而成，真係每一啖湯底嘅味道層次都係非常豐富。
⚜️大阪芫荽和風蕃茄湯拉麵
呢一款拉麵真係令我好矛盾呀，因為我係唔食芫荽但係我又超鍾意食蕃茄，所以最後我都忍唔住要試吓。首先講吓佢嘅蕃茄汁真係超濃郁，食落去呢有少少似沾麵，掛住好多蕃茄汁好正啊。芫荽方面一睇就見到成碗麵放滿晒，不過呢佢話芫荽同我哋平時喺香港食嘅有啲唔同，佢係有一種好清新好飽滿嘅感覺，連唔係太鍾意食芫荽嘅我都可以入到口，所以想言之佢做得幾好味。
Post
