大圍小館

Open Now

Now Closed

見到門口勁多人就有D想縮沙，好彩友人們早到了，攞完飛仲有20張枱先到我地，但眨下眼半小時就有位，原因係入座只限90分鐘。其中黑松落露醬松子仁蛋炒飯同第一叉令我最深刻，第一叉勁厚咬睇落似乾叉但食落去好鬆軟好香好出色！黑松落露醬松子仁蛋炒飯粒粒分明，大量松子仁（松子仁有很多益處，其中護心減疲勞、潤燥滋陰等），一啖果仁一啖飯口感十足。鮮山葵海蜇頭足料，夠大粒，爽口，係鮮山葵令到我個腦有2秒休克。推介！至於點心就大大件，但因為想試好多唔同懷舊精緻菜，所以下次有機會再試多D唔同點心。明燼脆皮燒鵝小許失色，上網睇好似好正，睇落都好似好好食，但肉稍為靱，有點失望。四個人除番開都係二百幾蚊，撫心自問食物咁高質又唔使周圍搶位排隊，唔使上網指定日期狂禁F5，唔使靠關係先食到既餐廳真係少之有少。