Video
Read full review
2021-11-13
2890 views
好味指數😋😋😋回頭指數 ⭐️⭐️⭐️開心指數🤗🤗🤗🤗朋友揀咗呢間隱藏於尖沙咀精品酒店嘅頂樓餐廳，地點上係一般方便，響正紅磡、尖東同尖沙咀港鐵站嘅中間位，亦都唔係好多巴士到！餐廳比較細，唔係好多檯，不過勝在空間都闊落，檯與檯之間唔逼，亦都遠距少少咁見到維港景！依家嘅menu 係「秋日蘑菇」，係一個五道菜嘅晚餐，$398一位，網上訂位有75折！🍴餐包配番茄醬有兩款包，一款係薄切法包，另一款係多穀物包，每人有一碟店自家製嘅番茄醬，我覺得佢嘅番茄醬好好味，咸咸酸酸咁，好開胃，明知會食到好飽，都忍唔住食咗一個包 + 兩塊法包😂🍴香煎帶子及大啡菇配青豆煙肉蓉(前菜)一個菇樣咁出場，帶子略嫌煎得唔夠香，煙肉粒有少少硬唔夠脆！🍴忌廉蘑菇湯好滑，香濃蘑菇味，幾好！🍴香煎蟹餅配黑松露蛋黃醬(中盤)呢個有驚喜，蟹餅煎得好香脆，入面一絲絲蟹肉，用料足，呢個比得上某扒房嘅招牌蟹餅，好味！🍴紅酒薈羊膝配松露薯蓉及本菇羊膝好大隻，煮到好容易離骨，肉質好軟好淋，好味！另外都試咗少少朋友嘅主菜…🍴慢煮油封鴨腿配甘筍蓉，雞油菌菇及杏鮑菇呢個油封鴨腿嘅味唔算太鹹，幾好食！🍴香煎鱸魚柳配黑松露白豆蓉及本菇嚡！好嚡！😞🍴美國西冷牛扒
回頭指數 ⭐️⭐️⭐️
開心指數🤗🤗🤗🤗
朋友揀咗呢間隱藏於尖沙咀精品酒店嘅頂樓餐廳，地點上係一般方便，響正紅磡、尖東同尖沙咀港鐵站嘅中間位，亦都唔係好多巴士到！
餐廳比較細，唔係好多檯，不過勝在空間都闊落，檯與檯之間唔逼，亦都遠距少少咁見到維港景！
依家嘅menu 係「秋日蘑菇」，係一個五道菜嘅晚餐，$398一位，網上訂位有75折！
🍴餐包配番茄醬
有兩款包，一款係薄切法包，另一款係多穀物包，每人有一碟店自家製嘅番茄醬，我覺得佢嘅番茄醬好好味，咸咸酸酸咁，好開胃，明知會食到好飽，都忍唔住食咗一個包 + 兩塊法包😂
餐包配番茄醬
18 views
1 likes
0 comments
🍴香煎帶子及大啡菇配青豆煙肉蓉(前菜)
一個菇樣咁出場，帶子略嫌煎得唔夠香，煙肉粒有少少硬唔夠脆！
香煎帶子及大啡菇配青豆煙肉蓉
24 views
0 likes
0 comments
🍴忌廉蘑菇湯
好滑，香濃蘑菇味，幾好！
忌廉蘑菇湯
20 views
0 likes
0 comments
🍴香煎蟹餅配黑松露蛋黃醬(中盤)
呢個有驚喜，蟹餅煎得好香脆，入面一絲絲蟹肉，用料足，呢個比得上某扒房嘅招牌蟹餅，好味！
香煎蟹餅配黑松露蛋黃醬
23 views
0 likes
0 comments
🍴紅酒薈羊膝配松露薯蓉及本菇
羊膝好大隻，煮到好容易離骨，肉質好軟好淋，好味！
紅酒薈羊膝配松露薯蓉及本菇
16 views
0 likes
0 comments
另外都試咗少少朋友嘅主菜…
🍴慢煮油封鴨腿配甘筍蓉，雞油菌菇及杏鮑菇
呢個油封鴨腿嘅味唔算太鹹，幾好食！
🍴香煎鱸魚柳配黑松露白豆蓉及本菇
嚡！好嚡！😞
🍴美國西冷牛扒配西蘭花薯蓉、紅菜頭片、烤薯及蘑菇紅酒汁（+$78）
正常發揮，唔太突出！唔係太值加呢$78！
🍴雜莓雪葩配朱古力布朗尼
甜品都係菇樣嘅賣相，雜莓雪葩酸酸甜甜好好味，因為主菜以肉為主，呢個剛剛好可以解膩，朱古力布朗尼唔算太甜！
雜莓雪葩配朱古力布朗尼
15 views
0 likes
0 comments
呢度仲有一個天台小酒吧，可以上去飲嘢或者食甜品，依家嘅天氣，坐上天台望住夜景傾偈都幾舒服！
呢度嘅service 都幾唔錯，職員有禮貌，做到根據客人選擇嘅食物上菜，唔會響上菜時問係邊個叫咗！亦都做到同時上菜，因為有一個朋友遲到，我哋冇等佢就開始食頭盤同餐湯，佢哋到咗中盤就已經跟返進度，呢個係讚位！
整體上service 好好，食物方面我揀啱咗主菜都覺得幾唔錯，有D朋友嘅主菜就一般，質素未算得上非常好，但對得住個價錢，過咗一個開心嘅晚上！
Post
