百喜茶餐廳

Open Now

Now Closed

除非你住係牛頭角嘉和園附近！！否則你應該無食過百喜茶餐廳！！因為佢位於嘅位置都幾偏遠！！差不多去到街尾先見到！！但係百喜嘅香辣鷄扒包你不可不試！！足足有五吋厚！！包整得漲卜卜！！最精彩係塊炸鷄扒！！目测都起碼有吋半厚！！可能仲厚D添！！鷄皮炸得好香脆！！但鷄肉仲係好嫩滑！！辣味陣陣浸出！！咬落去啖啖都係肉！！話咁快成個包食晒！！唉！！聽日要去跑步添！！其實咁厚嘅鷄扒好難會炸得好食㗎！！通常會吾熟或過熟！！一定炸嘅時間要掌握得好好！！最後加埋杯凍檸茶！！今餐完滿結束！！但都只係須要俾$32咋！！小貼示: 下午茶食最抵食！！