Video
Read full review
2022-05-20
1051 views
以為cafe得普通意粉西餐？咁你就錯啦，the 5B Private Kitchen依度有相當貼地嘅5 course dinner set ，帶女仔嚟拍拖食飯絕對唔失禮！.牛油法包、雜菜湯（跟餐）西班牙風乾火腿拼蜜瓜 +$48法包同雜菜湯就唔多講啦，正常發揮，唔錯嘅。另外我哋就加咗個風乾火腿配蜜瓜，蜜瓜鮮甜多汁，配上唔太肥嘅風乾火腿好開胃🤤。火腿上面仲有啲黑醋調下味，好味。.慢煮西班牙黑毛豬配自家製蘋果醬 伴意粉 $178餐牌有註明廚師推薦黑毛豬八成熟，我哋就跟佢嘅建議試下，一切開，黑毛豬果然係粉嫩嘅粉紅色，肉味濃，好Juicy，亦唔會太難咬開，配埋佢哋嘅自家製蘋果醬酸酸甜甜咁，好好味😋。不過意粉就略嫌油膩咗少少🤏🏻啦！.蜜糖芥末素牛肉漢堡 （配薯條及田園沙律） $148今次應該係👨🏽第一次試素牛肉，比👨🏽想像中似真牛肉，咁口感同肉味當然係差啲㗎啦，但味道都幾好嘅，而且入面都好足料，唔話你知係素牛肉嘅話都未必真係試得岀。麵包🥯鬆軟有烘過👍🏻，薯條都係正常發揮。.白酒煮梨 （配呍呢嗱雪糕) +$48甜品我哋就加錢upgrade咗做白酒煮梨🍐，依個甜品絕對令人驚艷😍。其實酒味已經喺煮嘅時候
.
牛油法包、雜菜湯（跟餐）
西班牙風乾火腿拼蜜瓜 +$48
法包同雜菜湯就唔多講啦，正常發揮，唔錯嘅。另外我哋就加咗個風乾火腿配蜜瓜，蜜瓜鮮甜多汁，配上唔太肥嘅風乾火腿好開胃🤤。火腿上面仲有啲黑醋調下味，好味。
.
慢煮西班牙黑毛豬配自家製蘋果醬 伴意粉 $178
餐牌有註明廚師推薦黑毛豬八成熟，我哋就跟佢嘅建議試下，一切開，黑毛豬果然係粉嫩嘅粉紅色，肉味濃，好Juicy，亦唔會太難咬開，配埋佢哋嘅自家製蘋果醬酸酸甜甜咁，好好味😋。不過意粉就略嫌油膩咗少少🤏🏻啦！
.
蜜糖芥末素牛肉漢堡 （配薯條及田園沙律） $148
今次應該係👨🏽第一次試素牛肉，比👨🏽想像中似真牛肉，咁口感同肉味當然係差啲㗎啦，但味道都幾好嘅，而且入面都好足料，唔話你知係素牛肉嘅話都未必真係試得岀。麵包🥯鬆軟有烘過👍🏻，薯條都係正常發揮。
.
白酒煮梨 （配呍呢嗱雪糕) +$48
甜品我哋就加錢upgrade咗做白酒煮梨🍐，依個甜品絕對令人驚艷😍。其實酒味已經喺煮嘅時候揮發晒，仲有少少肉桂味，酸酸甜甜，又帶香料味，再加埋半溶嘅雪糕，好正😍，我哋食到想舔晒脷🤤。
.
朱古力蛋糕
跟餐送嘅是日精選蛋糕🍰，無記錯嘅話👩🏻記得當日仲有原味同抹茶味揀。老實講蛋糕水準就差啲，口感太過厚實，但味道唔會太膩，唔會令你覺得食得飽飽滯滯好辛苦咁🤰🏻。
.
明明話係五道菜，仲差啲咩呢🫣？其實餐飲喺度都計埋係一道菜😂，我哋兩杯都叫咗凍檸茶，凍檸茶酸甜度剛剛好，茶底都有啲驚喜㗎！
.
本身都係本住嚟cafe打吓卡，估唔到依間cafe嘅嘢食都咁令人有驚喜🤯，而且老闆同員工都好nice，如果想食
好西大家記得要bookmark @the5bprivatecorner 啦！
Post
