紫荊江南擔擔麵菜飯專門店 (Closed)

元朗比起天水圍同屯門，可以話係個美食天堂。想食咩菜，你都可以搵到。但今次同友人實在太餓，又見佢有dinner set就是但入左黎一個街坊餐廳，估唔到又幾有驚喜喎。見到醉拿手個名勁特別，最鍾意啲奇奇怪怪野嘅我，諗都唔諗就嗌左。一上枱原來即係花雕酒浸豬手，爽口得黎一啲都唔韌，肉佔嘅比例唔高，大部分都係皮黎，但出奇地唔膩。不過其實我本身對用酒醃製嘅涼食冇乜興趣，就覺得酒味太出，但友人就覺得岩岩好。餐另附送擔擔麵，因為加入花生，所以食落去特別香，不過整體擔擔麵唔特別作為平民餐廳做開街坊生意，質素算係唔錯。想正正常常食一餐嘅，可以黎試下。