Video
Read full review
2021-10-11
58 views
朋友介紹喺大尾篤有一間隱世私房菜，唔係開喺大馬路嘅旁邊而係要微微向上行一分鐘，私隱度極高，叫得做私房菜，餐廳嘅格局自然走住家風，環境舒適，令人有返到屋企嘅感覺。嗌嘢食之後侍應就送上前菜，前菜以一個鳥籠盛載，非常特別，裏面係青瓜蟹肉沙律，蟹肉鮮甜，非常新鮮，同清爽嘅青瓜相當配襯。Scottish smoked salmon，呢個頭盤賣相非常精美，喺新鮮嘅沙律菜裏面最中間嘅係 parma ham 配吞拿魚粒，圍邊嘅仲有煙三文魚配他他醬同埋無花果煎鵝肝，其中頭尾兩者都係第一次嘗試，平時吞拿魚通常都無乜味道，今次廚師用 parma ham 襯托住就啱啱好吊起到個鮮味，鵝肝墊底用多士就試得多喇，原來配以無花果嘅清甜，更能解膩。Oven baked sea brass en paillote，海鱸魚嘅熟度啱啱好，肉質非常嫩滑，底部嘅配菜有青瓜同埋一隻有啲似洋蔥 但係比起洋蔥有咬口嘅蔬菜，有啲似 artichoke。“en paillote” 上網睇番原來即係紙包咁解，紙包料理理論上係屬於蒸法，只係啲蒸氣唔係由水而來，而係從食材本身嘅水份產生，將食材密封喺一個緊閉嘅空間入面，令到食味可以互相滲透；唔
朋友介紹喺大尾篤有一間隱世私房菜，唔係開喺大馬路嘅旁邊而係要微微向上行一分鐘，私隱度極高，叫得做私房菜，餐廳嘅格局自然走住家風，環境舒適，令人有返到屋企嘅感覺。
嗌嘢食之後侍應就送上前菜，前菜以一個鳥籠盛載，非常特別，裏面係青瓜蟹肉沙律，蟹肉鮮甜，非常新鮮，同清爽嘅青瓜相當配襯。
Scottish smoked salmon，呢個頭盤賣相非常精美，喺新鮮嘅沙律菜裏面最中間嘅係 parma ham 配吞拿魚粒，圍邊嘅仲有煙三文魚配他他醬同埋無花果煎鵝肝，其中頭尾兩者都係第一次嘗試，平時吞拿魚通常都無乜味道，今次廚師用 parma ham 襯托住就啱啱好吊起到個鮮味，鵝肝墊底用多士就試得多喇，原來配以無花果嘅清甜，更能解膩。
Oven baked sea brass en paillote，海鱸魚嘅熟度啱啱好，肉質非常嫩滑，底部嘅配菜有青瓜同埋一隻有啲似洋蔥 但係比起洋蔥有咬口嘅蔬菜，有啲似 artichoke。“en paillote” 上網睇番原來即係紙包咁解，紙包料理理論上係屬於蒸法，只係啲蒸氣唔係由水而來，而係從食材本身嘅水份產生，將食材密封喺一個緊閉嘅空間入面，令到食味可以互相滲透；唔怪之得舊海鱸 Juicy 得嚟味道層次又咁豐富。
Free range roasted chicken，最後嚟到嘅呢個可以話係今晚，又可以話係今年，甚至乎係近幾年嘅烤雞之最，好耐無食過咁嫩滑而又咁美味嘅雞肉喇，廚師烤得香，醃料調配恰到好處再加上用左走地雞就成就咗呢一度人間美味，連平時唔食雞皮嘅我都忍唔住連埋啲皮一齊食。
最後不得不提今晚招呼我哋嘅侍應非常可愛，對我哋細心關顧之餘仲好識搞氣氛，佢聽得出伴侶個鼻萌萌地就即刻俾咗杯熱茶佢蒸一蒸個鼻舒緩一下，十分貼心嘅服務。
Post
