Video
Read full review
2021-12-02
32 views
睇openrice見到呢間餐廳既食物擺盤好靚好精美😍 又係小店所以就決定同朋友仔book位去食😋😋餐廳位於大尾篤村屋既地鋪 裝修平實 地方唔算大 但坐落都好舒服 有家既感覺🏠未落單待應就比左個小食我地食 外表係巴馬火腿入面夾住件生果 當我同朋友一心估係哈密瓜 原來入面係柿😆 好有驚喜 柿比哈密瓜甜 同巴馬火腿好夾👍🏻再黎就係意大利蔥油薄脆餅同蒜蓉包 薄脆好香蔥油味仲脆卜卜 好好味 而蒜蓉包配松露野菌湯 勁好味😋 每一啖湯都係野菌蓉 好creamy 湯入面仲加左松露油 即刻提升左個級數👍🏻👍🏻我地叫左個白鴿胸巴馬火腿沙律🥗 色彩繽紛 未食齋睇都好吸睛😍 白鴿胸好嫩好juice 外皮又煎到好香脆 配搭沙律菜同油醋一齊食好夾 沙律上面仲有d食用花 靚之餘仲可以食 一般只有高級酒店先會食到🙈我地仲叫左2個主菜慢煮走地雞髀 同 日本北海道帶子併香煎爐魚 走地雞係我腦海印象係實的的好難咬 但原來可以整到咁嫩滑多汁 雞皮又煎到卜卜脆 加上廚師同我地講用左幾款唔同類型既啤酒逼出黎 所以效果非常出眾👍🏻👍🏻 而個爐魚用蘋果酒汁煮 魚肉好滑又無骨 魚皮又煎香左 朋友仔平時唔食魚都大讚👍🏻 配菜有菇、2色意
餐廳位於大尾篤村屋既地鋪 裝修平實 地方唔算大 但坐落都好舒服 有家既感覺🏠
未落單待應就比左個小食我地食 外表係巴馬火腿入面夾住件生果 當我同朋友一心估係哈密瓜 原來入面係柿😆 好有驚喜 柿比哈密瓜甜 同巴馬火腿好夾👍🏻
再黎就係意大利蔥油薄脆餅同蒜蓉包 薄脆好香蔥油味仲脆卜卜 好好味 而蒜蓉包配松露野菌湯 勁好味😋 每一啖湯都係野菌蓉 好creamy 湯入面仲加左松露油 即刻提升左個級數👍🏻👍🏻
我地叫左個白鴿胸巴馬火腿沙律🥗 色彩繽紛 未食齋睇都好吸睛😍 白鴿胸好嫩好juice 外皮又煎到好香脆 配搭沙律菜同油醋一齊食好夾 沙律上面仲有d食用花 靚之餘仲可以食 一般只有高級酒店先會食到🙈
我地仲叫左2個主菜慢煮走地雞髀 同 日本北海道帶子併香煎爐魚 走地雞係我腦海印象係實的的好難咬 但原來可以整到咁嫩滑多汁 雞皮又煎到卜卜脆 加上廚師同我地講用左幾款唔同類型既啤酒逼出黎 所以效果非常出眾👍🏻👍🏻 而個爐魚用蘋果酒汁煮 魚肉好滑又無骨 魚皮又煎香左 朋友仔平時唔食魚都大讚👍🏻 配菜有菇、2色意大利瓜仲有蔥、薑 吸晒d魚汁 好好味😋
廚師👨🏻🍳好nice 佢以前係做酒廚師 而家佢地係一家人咁打理呢間餐廳 去開大尾篤玩 可以試下呢間既餐廳😉😉
Post
