築地日本料理 (結志街) (Closed)

中環除咗係商業集中地，亦都係美食嘅集中地， 地鐵站五分鐘路程就可以到到嘅築地日式料理店,  絕對係假日好去處。 適逢今日星期六，諗住食完午餐去附近嘅景點PMQ行,  所以就嚟到佢附近呢一間特色食肆。 成間舖頭好友日本情懷， 無論係牆上或係檯面都貼住好多 動漫海報，絕對係打卡熱點。 而且餐廳環境舒適， cp值又高， 絕對係同朋友聚會嘅好地方。佢嘅午餐定食十分抵食我哋揀咗兩個午市套餐。 極上三色丼定食，  有帶子，三文魚，魚籽同油甘魚，刺身十分新鮮， 帶子飽滿鮮味， 三文魚同油甘魚亦都好鮮甜，配壽司飯食，絕對一流， 而且份量足料大碗，刺身亦絕對唔係得幾件， 十分抵食。原條蒲燒鰻魚飯定食， 鰻魚飯好多日式店都有，但係呢間竟然係原條嘅蒲燒鰻魚咁就好少見，通常其他食店都係畀兩三件， 而且收費亦都十分貴，但呢間就超級大條，十分抵食， 鰻魚汁亦都十分鮮味，配飯食絕對一流。跟餐仲有每人一碗味噌湯， 味道亦都唔錯。除咗定食套餐我哋仲叫咗一個小食， 就係豬軟骨串燒， 豬軟骨較多剛剛好，而且十分脆口， 十分值得推介。