一八六一廚房 (Closed)

朋友仔住寶琳，佢介紹咗我係食一間漢堡店，而哩間漢堡店係係商場街市入面，我當時心諗，會有幾好食啊🥸 結果，我比佢驚艷到🤩哩間漢堡店叫「一八六一廚房」，主打手工漢堡🍔同埋pizza🍕 仲有All day breakfast 🍳 漢堡包有分大細，亦有唔同嘅顏色😚 黑色就係竹炭，有顏色係素包，麵粉採用左韓國麵粉，利用新鮮酵母製成，而且不加入糖👍🏻 成件事真係好健康好有heart 💗Menu 都睇得出費盡心思，漢堡包嘅名係用心去改😂 有皇帝漢堡/女神漢堡/麻甩佬漢堡/姜B漢堡/佛系漢堡/誘營漢堡/噢巴漢堡/痴心漢堡/甜蜜漢堡😎落單都好方便，DL App用手機，即時登記做會員仲有優惠劵🥰 仲有9折優惠👍🏻我叫咗兩個迷你漢堡Set，雖然個漢堡好迷你，但d餡料一啲都唔迷你😎 跟餐仲送汽水+薯條或者薯蓉✨迷你麻甩佬漢堡用咗麻辣雞扒做餡，麻辣味勁度十足，非常惹味，雞扒好Juicy多汁✨ 姜B漢堡用紅薑同豚肉片做餡料，兩者味道非常配合，同樣惹味多汁跟餐我揀咗薯條同薯蓉💗可以加錢揀其他小食🤓 要特別介紹個雙色薯條，係蕃薯條+粗薯條🍟老闆話薯條同薯餅都係Omakase，我果日食嘅係紫菜味，下次嚟就可能第二隻味