神戶日本料理

Open Now

Now Closed

今日過去大圍搵朋友食飯，朋友話帶我去食好嘢，帶咗我位於大圍雲疊花園商場嘅神戶日本料理， 店內裝修好有日本小店風格，店員有禮，好快就幫我哋安排位置。打開餐牌好多選擇，好多嘢食都想食😂， 最後我哋叫咗雜錦刺身沙律、六貫壽司、魷魚海膽卷、神戶石狩鍋同鵝肝多士。雜錦刺身沙律：沙律上面嘅刺身，店主一啲都唔吝嗇，份量不少，沙律菜新鮮 加上特製嘅沙律醬汁，既健康又美味。六貫壽司： 賣相吸引，有海膽杯、帆立貝、三文魚、甜蝦同時令魚兩件，刺身大大件好肥美，即叫即制用料新鮮， 啖啖鮮甜，時令魚火炙過後魚香更突出。魷魚海膽卷：呢款料理大推，第一次食魷魚海膽卷好有驚喜，魷魚新鮮爽口， 海膽鮮甜美味，令人忍唔住一啖接一啖。神戶石狩鍋：鮭魚、豆腐及蔬菜等新鮮材料嘅火鍋料理，配料豐富，湯底濃郁鮮甜。鵝肝多士：一上枱已經聞到好香嘅鵝肝味，鵝肝外脆內軟口感綿滑， 厚肉大件且入口即溶，配搭鬆脆嘅多士好perfect。朋友真係冇介紹錯，神戶日本料理係一間隱世高質食店，回頭率極高。