Nunu燒 (Closed)

今日嚟到中環搵好嘢食，今次過到嚟和里路嘅一間日式隱世小店。。八款刺身拼盤總共有八款，每款望落色澤都好靚，放喺個船上面，打卡一流👍🏻。食材非常之新鮮，當中特別鍾意希靈魚同海膽，無論口感定係味道，都非常出色😝。。特選串燒盛合五種不同口感嘅串燒，由豬肉串、牛舌、雞翅等等，口感嘅層次，一步步演進☺️。味道上亦都不錯，香料味濃郁，而且唔會燒得乾，肉質依然Juice😆。。天婦羅盛合有各種蔬菜同蝦，天婦羅炸得非常之酥脆👍🏻，所選用嘅食材都非常之正，尤其是芋頭同番薯🤩，粉粉嘅口感，真係好食到停唔到口🤣。