Video
Read full review
2020-10-29
386 views
同閨蜜差唔多成年冇見，因為佢就快生日，所以夜晚同佢慶祝，去食由五星級酒店師傅主理既意大利菜。餐廳燈光柔和，好啱同朋友坐底一齊食野傾計。我地點咗意大利菜湯（$65）、燒西班牙黑毛豬扒（$398）、大蝦龍蝦汁意粉（$288）、杏仁芭菲（$80）同埋心太軟（$80）。點完餐之後好快就有蒜蓉包，蒜蓉包軟熟得嚟又香噴噴，唔錯！意大利菜湯配料豐富，有豆、洋蔥、番茄、紅蘿蔔等，飲落酸酸甜甜好開胃。我地食咗大蝦龍蝦汁意粉先，意粉上面有一塊mascarpone cheese，裏面仲有蟹肉，將佢同碟意粉混合埋一齊，令龍蝦汁更香更creamy，而意粉有3隻大蝦，隻隻都新鮮爽口，正！燒西班牙黑毛豬扒可以揀配薯角或者薯蓉，我地唔想咁熱氣所以揀咗薯蓉。薯蓉幼滑，奶香較濃，仲有薯仔粒，啱我口味~至於黑毛豬就煮至7至8成熟，唔會嚡口得嚟又可以鎖住肉汁，食落好juicy 😋食完主菜好快就有甜品，亦都係我地最期待既時間🍰無論係心太軟定杏仁芭菲，賣相都好精緻~值得一提既係兩道甜品用嚟伴碟既藍莓同士多啤梨都好甜，完全感受到廚師對食材既要求！心太軟會配兩球呍呢拿雪糕，一上枱已經有濃郁朱古力味，切開之後唔止流心，而且仲冒煙，明顯
同閨蜜差唔多成年冇見，因為佢就快生日，所以夜晚同佢慶祝，去食由五星級酒店師傅主理既意大利菜。
餐廳燈光柔和，好啱同朋友坐底一齊食野傾計。
我地點咗意大利菜湯（$65）、燒西班牙黑毛豬扒（$398）、大蝦龍蝦汁意粉（$288）、杏仁芭菲（$80）同埋心太軟（$80）。
點完餐之後好快就有蒜蓉包，蒜蓉包軟熟得嚟又香噴噴，唔錯！
意大利菜湯配料豐富，有豆、洋蔥、番茄、紅蘿蔔等，飲落酸酸甜甜好開胃。
我地食咗大蝦龍蝦汁意粉先，意粉上面有一塊mascarpone cheese，裏面仲有蟹肉，將佢同碟意粉混合埋一齊，令龍蝦汁更香更creamy，而意粉有3隻大蝦，隻隻都新鮮爽口，正！
燒西班牙黑毛豬扒可以揀配薯角或者薯蓉，我地唔想咁熱氣所以揀咗薯蓉。薯蓉幼滑，奶香較濃，仲有薯仔粒，啱我口味~至於黑毛豬就煮至7至8成熟，唔會嚡口得嚟又可以鎖住肉汁，食落好juicy 😋
食完主菜好快就有甜品，亦都係我地最期待既時間🍰無論係心太軟定杏仁芭菲，賣相都好精緻~
值得一提既係兩道甜品用嚟伴碟既藍莓同士多啤梨都好甜，完全感受到廚師對食材既要求！
心太軟會配兩球呍呢拿雪糕，一上枱已經有濃郁朱古力味，切開之後唔止流心，而且仲冒煙，明顯係整好即刻上碟，時間較得啱啱好！
至於杏仁芭菲，唔係周圍都食到，更冇諗到會整得咁用心！芭菲入面有粒粒杏仁碎，食落唔會太甜，感覺健康~
仲有值得一提既係餐廳服務態度好好，我地食完主菜之後會轉添檸檬水而唔係普通水，好細心！
Post
