Video
Read full review
2020-10-31
525 views
餐廳：La Piazza (將軍澳)地址：將軍澳坑口村24號地下好耐冇見一個朋友，難得相聚，梗係要去食餐好嘅🤪。今次我哋去咗將軍澳坑口村一間隱世意大利餐廳🇮🇹，雖然真係偏遠咗啲，但係真係值得嚟食呢一餐🤩餐廳唔算大，一眼睇晒，不過牆上嘅壁畫同背景音樂就點綴咗餐廳嘅氣氛同格調🎶，加上大部分店員都係非本地人，但係就講到清晰嘅廣東話，真係好有異國風情，同時充斥住香港本地嘅味道🇭🇰-包類-蒜蓉包 $33一份有四件，做到外層香脆，內層充滿陣陣蒜香同軟熟🧄，蒜蓉味唔會太濃，唔使擔心食完好口臭😂-頭盤1-蕃茄水牛芝士沙律配新鮮紫蘇 $158新鮮蕃茄同水牛芝士各有五塊，水牛芝士屬於鮮芝士🧀，食落軟滑而且口感溫和偏淡，啱晒唔鍾意強烈芝士味道嘅人😋；加上紫蘇嘅芳香，令呢個頭盤更清新開胃-頭盤2-意大利帶子牛肝菌雲吞 $188一碟有六隻意式雲吞🥟，大件而且皮薄，切開鮮味多汁，連同裏面嘅帶子粒同牛肝菌一齊湧流出嚟，加上面頭creamy嘅忌廉汁、橄欖油等，雲吞又點會唔鮮香juicy呢😍-配菜-蒜蓉忌廉菠菜 $68忌廉汁唔會太濃郁或者好稠杰，偏稀嘅忌廉汁加上蒜蓉，令菠菜入味得黎香甜可口，亦唔會有好heavy嘅感覺👍
地址：將軍澳坑口村24號地下
好耐冇見一個朋友，難得相聚，梗係要去食餐好嘅🤪。今次我哋去咗將軍澳坑口村一間隱世意大利餐廳🇮🇹，雖然真係偏遠咗啲，但係真係值得嚟食呢一餐🤩
餐廳唔算大，一眼睇晒，不過牆上嘅壁畫同背景音樂就點綴咗餐廳嘅氣氛同格調🎶，加上大部分店員都係非本地人，但係就講到清晰嘅廣東話，真係好有異國風情，同時充斥住香港本地嘅味道🇭🇰
-包類-
蒜蓉包 $33
一份有四件，做到外層香脆，內層充滿陣陣蒜香同軟熟🧄，蒜蓉味唔會太濃，唔使擔心食完好口臭😂
-頭盤1-
蕃茄水牛芝士沙律配新鮮紫蘇 $158
新鮮蕃茄同水牛芝士各有五塊，水牛芝士屬於鮮芝士🧀，
食落軟滑而且口感溫和偏淡，啱晒唔鍾意強烈芝士味道嘅人😋；加上紫蘇嘅芳香，令呢個頭盤更清新開胃
-頭盤2-
意大利帶子牛肝菌雲吞 $188
一碟有六隻意式雲吞🥟，大件而且皮薄，切開鮮味多汁，
連同裏面嘅帶子粒同牛肝菌一齊湧流出嚟，加上面頭creamy嘅忌廉汁、橄欖油等，雲吞又點會唔鮮香juicy呢😍
-配菜-
蒜蓉忌廉菠菜 $68
忌廉汁唔會太濃郁或者好稠杰，偏稀嘅忌廉汁加上蒜蓉，令菠菜入味得黎香甜可口，亦唔會有好heavy嘅感覺👍🏼
-主菜-
香煎澳洲鱸魚配檸檬牛油汁 $278
鱸魚足6安士，咸香爽脆嘅魚皮，加上一疏疏幼滑、入口即溶嘅魚肉🐟，配上檸檬汁🍋同牛油香🧈，無任何腥味，絕對係必試嘅主菜❗️唔好睇少配菜，荷蘭豆、西蘭花🥦，仲有煎香醃製過嘅茄子🍆，絕對唔馬虎😎，值得加分
-意粉-
帶子蘑菇香草汁扁意粉 $168
呢個意粉超大碟🤣，3個人食都夠分！帶子中間爽口彈牙、兩邊稍微煎香，同一啖食到兩種唔同嘅口感👏；
香草🌿、磨菇🍄，仲有松子嘅互相配合，令意粉無論係味道同口感上都有所提升，確實抵食又好味🤓
Post
