Video
Read full review
2023-07-16
40 views
上星期同朋友一行四人去咗灣仔嘅一間火鍋店打邊爐，本身店舖位置較偏僻，唔太近地鐵站，唔係朋友介紹都唔識去🤣 但好嘅餐廳係值得被發揚光大🥹 所以鍾意打邊爐嘅朋友仔記得要睇埋落去👇🏻🍲 四人套餐 $498/位✨ 椰子花膠螺片雞湯底湯底我哋揀咗椰子雞湯，想話呢個雞湯真係好出色！飲落雞味好濃，同時又好清甜，皆因佢啲材料真係唔惹少，落咗兩大塊靚花膠同半隻雞，仲有啲厚身螺片添🤤 最後店員會幫我哋起咗啲料出嚟，再切件俾我哋分嚟食，好貼心！✨ 西澳龍蝦刺身呢個龍蝦刺身都不得了，龍蝦勁大隻！店家將龍蝦肉切到細細塊咁，方便進食，而刺身爽口鮮甜，最緊要係夠新鮮！打邊爐去到最後，我哋仲將個龍蝦頭放入去煮，煮熟咗仲有唔少膏同肉食添😌✨ 海鮮拼盤龍蝦刺身隔離就係相當豐富嘅海鮮拼盤，有鮮飽魚、大大隻台山蠔同埋好幾隻海蝦。首先值得一讚嘅係，店家一早已經將鮑魚切片，方便我哋分嚟食，再嚟係我哋都好鍾意佢啲蠔，熟咗都唔會縮水得太過分，食落唔會好腥好臭，而且佢哋全部都好新鮮👍🏻✨ 熱浪響鈴午餐肉平時打邊爐都鍾意落午餐肉，而呢到嘅午餐肉係響鈴午餐肉！新鮮炸好，超級熱辣辣，可以就咁食，或者擺落個爐到淥一淥就食得，就算唔嗌餐都推薦大
🍲 四人套餐 $498/位
✨ 椰子花膠螺片雞湯底湯底我哋揀咗椰子雞湯，想話呢個雞湯真係好出色！飲落雞味好濃，同時又好清甜，皆因佢啲材料真係唔惹少，落咗兩大塊靚花膠同半隻雞，仲有啲厚身螺片添🤤 最後店員會幫我哋起咗啲料出嚟，再切件俾我哋分嚟食，好貼心！
✨ 西澳龍蝦刺身呢個龍蝦刺身都不得了，龍蝦勁大隻！店家將龍蝦肉切到細細塊咁，方便進食，而刺身爽口鮮甜，最緊要係夠新鮮！打邊爐去到最後，我哋仲將個龍蝦頭放入去煮，煮熟咗仲有唔少膏同肉食添😌
✨ 海鮮拼盤
龍蝦刺身隔離就係相當豐富嘅海鮮拼盤，有鮮飽魚、大大隻台山蠔同埋好幾隻海蝦。首先值得一讚嘅係，店家一早已經將鮑魚切片，方便我哋分嚟食，再嚟係我哋都好鍾意佢啲蠔，熟咗都唔會縮水得太過分，食落唔會好腥好臭，而且佢哋全部都好新鮮👍🏻
✨ 熱浪響鈴午餐肉平時打邊爐都鍾意落午餐肉，而呢到嘅午餐肉係響鈴午餐肉！新鮮炸好，超級熱辣辣，可以就咁食，或者擺落個爐到淥一淥就食得，就算唔嗌餐都推薦大家散叫嚟試吓☺️
✨ 新鮮潮汕牛跟住有勁大碟牛肉上到嚟😋 老闆仲強調係新鮮牛肉，成碟總共有4個唔同部位，由吊龍開始食起，跟住到匙柄、三花趾、再到雪花。當中匙柄係最濃牛味，雪花就最嫩滑🤤
✨ 即叫即包餃 (3款)我哋揀咗三款餃，分別係香葉肉碎餃、韭菜豬肉餃同埋黃芽白大頭菜豬肉餃，當中最鍾意嘅係香葉肉碎餃，湯汁超多，夠濃味亦都最有創意！值得一讚嘅係佢嘅餃子皮真係非常薄，帶有煙煙韌韌嘅感覺，同平時一般食開嘅餃子好唔同，推薦👍🏻
✨ 自家手打新鮮丸 (3款)而丸方面，佢哋都係自家製嘅，所以我哋都揀咗好多特別口味嘅丸嚟試😋 包括有九層塔蝦丸、梅菜豬肉手打丸同埋手打彈彈牙魚蛋，當中真係幾推薦九層塔蝦丸，一嚟平時出邊好少食到，二嚟係佢嘅九層塔真係好香，竟然同蝦丸都幾夾！
✨ 本地有機菜拼盤佢個蔬菜拼盤真係超級多唔同種類嘅菜，有黃芽白、生菜、菜心、皇帝菜同粟米，超多選擇，梗有一款啱你😆 而佢個粟米真係好甜，忍唔住食埋朋友嗰份🤣
✨ 凍豆腐凍豆腐都有八大嚿，我哋一早就擺咗落個湯到煮，食嘅時候已經索晒雞湯嘅精華，超級入味多汁😳
✨ 水雲麵喺呢度打邊爐最特別嘅地方，唔係食公仔麵或者烏冬，而係食由日本海藻製成嘅水雲麵！第一次咁樣食，呢種麵比較爽口彈牙，加上係因為由海藻製成，食多啲都冇咩罪惡感😜
Post
