Video
Read full review
2017-03-23
106 views
赫德道酒吧林立，平時淨係知道有一橦商廈有食店，竟然係途中俾我地發現呢間餐廳入面有幾位係外國人既侍應，可能係老闆🙈幾smart幾靚仔架，好熱情咁介紹呢度既堆介。餐廳燈光有啲暗，裝修好grand好有情調，而且睇餐桌上既餐具擺位，都知道呢個餐廳好講究。平日嚟食野，classic red/ white sangria買一送一。兩jar四個人都足夠。sangria內充滿生果，果味甜，易入口，女生飲都幾適合。自己比較喜歡white sangria，比紅酒個款更甜☺️特式西班牙烤蕃茄麵包伴香蒜橄欖油 $45岩岩上碟既時候，已經聞到麵包香。佢地介紹蕃茄係西班牙到港，教我地將蕃茄同蒜頭先後同麵包磨擦，再加點橄欖油，呢個組合，蒜既刺激帶啲蕃茄既酸甜，橄欖油再中和帶起鮮甜，特別又好玩第一道Tapas係香蒜辣椒橄欖油煎海蝦 $108蝦肉爽口，而且吸哂蒜味，帶少少辣，惹味脆炸龍蝦球伴香辣青汁 $72外皮好脆，食到蝦肉，份量岩岩，兩口都食完一舊，唔油膩脆炸和牛薯蓉球$45呢個大約一個女士拳頭咁大，有三款醬汁，辣得嚟又creamy，外皮一樣鬆脆，牛肉選用和牛面豬，好淋，帶甜味食西班牙菜好多時候都遇上蛋餅，呢個西班牙銀
入面有幾位係外國人既侍應，可能係老闆🙈幾smart幾靚仔架，好熱情咁介紹呢度既堆介。餐廳燈光有啲暗，裝修好grand好有情調，而且睇餐桌上既餐具擺位，都知道呢個餐廳好講究。
平日嚟食野，classic red/ white sangria買一送一。兩jar四個人都足夠。sangria內充滿生果，果味甜，易入口，女生飲都幾適合。自己比較喜歡white sangria，比紅酒個款更甜☺️
特式西班牙烤蕃茄麵包伴香蒜橄欖油 $45岩岩上碟既時候，已經聞到麵包香。佢地介紹蕃茄係西班牙到港，教我地將蕃茄同蒜頭先後同麵包磨擦，再加點橄欖油，呢個組合，蒜既刺激帶啲蕃茄既酸甜，橄欖油再中和帶起鮮甜，特別又好玩
第一道Tapas係香蒜辣椒橄欖油煎海蝦 $108蝦肉爽口，而且吸哂蒜味，帶少少辣，惹味
脆炸龍蝦球伴香辣青汁 $72外皮好脆，食到蝦肉，份量岩岩，兩口都食完一舊，唔油膩
脆炸和牛薯蓉球$45呢個大約一個女士拳頭咁大，有三款醬汁，辣得嚟又creamy，外皮一樣鬆脆，牛肉選用和牛面豬，好淋，帶甜味
食西班牙菜好多時候都遇上蛋餅，呢個西班牙銀雪魚蛋餅$68，係我食過最中意既蛋皮唔會過厚，𥚃面餡料扎實，銀雪魚肉充足，配料互相配襯，唔會搶風頭，推介👍🏻
見到侍應慢慢幫我地換餐具，就知主菜嚟緊佢地擺放餐具都好有心思，小叉係用嚟食龍蝦肉，唔駛剝殻剝得咁辛苦
原隻龍蝦西班牙飯$248呢個湯飯煮法係來自西班牙某鄉村，湯汁會包住每一粒飯，好香濃既龍蝦味
選用新鮮龍蝦，非常爽甜
心多多既我試左一個 特選伊比利亞黑毛豬拼盤$238，右起pluma最嫩淋，近背部無乜郁到既位置，中間secreto係近「加拿大」位置，肉質少少爽但又帶油香，左邊係presa近頸既位置，最有肉感。呢個拼盤必食😍
最後以優質甜品作結左邊係脆炸西班牙churros伴香草雪糕$68
Churros炸得好外脆內軟，加佢地自製vanilla icecream，好香濃既vanilla味，一凍一熱無得輸，勁想再食
右上係西班牙式焦糖布甸$42，朋友話似芝士蛋糕多啲，蛋香幾夠
右下係西班牙吐司配乳酪雪糕$52，呢個吐司上有焦糖，幾香架，雪糕我就無食啦，但朋友話配搭都ok
如果係尖沙咀揾西班牙菜，極力推薦呢間比朋友，比多少少錢食正宗西班牙菜好過食espuma🙈而且佢地服務有熱情又介紹得非常仔細，值得再食！
Post
