Video
Read full review
2010-02-28
18 views
11月20日, 今日同呀比走到西灣河搵食~ 估唔到太安樓除咗車仔麵, 仲有一間咁有趣嘅西餐小店! 有趣在哪? 就係以蕉入饌!::: 白酒忌廉煙肉意大利粉 + 阿朱 ::: $50晚餐有多款選擇, 部份意粉焗飯仲會加入香蕉做材料~ 不過今晚想食白汁意粉, 所以都係唔試蕉野住… 晚餐包括特濃雜菌忌廉湯, 賣相精緻, 忌廉湯本身好厚身, 菌味香濃, 真係幾好味!! 白汁煙肉意粉中規中矩~ 其實味道不錯, 但意粉淋咗d… 最敗筆係好地地一個意粉加咩翠玉瓜! 搞到中唔中西唔西… 味道亦唔太夾… 阿朱其實係餐飲~ 阿華田 + 朱古力!! 呢兩樣野都係我飛佛~ 竟然比佢地唸到溝埋黎飲! 不過呢, 有創意又未必一定好味… 因為阿華田嘅甜味搶去唔少朱古力味, 唔知本身杯野係淡定點硬係兩隻味都唔突出… 可能是但一樣會好飲d…::: 黑椒西冷牛扒鮮菇飯 + 香蕉朱古力 ::: $50諗住呢個應該都會好西式啦, 點知同忌廉煙肉意粉一樣不中不西~ 賣相係一個茶餐廳都食到嘅黑椒牛柳絲飯, 黑椒係港式嘅黑椒汁, 叫牛扒但係唔知點解切晒絲~ 抵死嘅係又加咗翠玉瓜, 菇又係好中式… 唔係話佢唔好食, 味道比茶餐廳嘅黑椒
::: 白酒忌廉煙肉意大利粉 + 阿朱 ::: $50
晚餐有多款選擇, 部份意粉焗飯仲會加入香蕉做材料~ 不過今晚想食白汁意粉, 所以都係唔試蕉野住… 晚餐包括特濃雜菌忌廉湯, 賣相精緻, 忌廉湯本身好厚身, 菌味香濃, 真係幾好味!! 白汁煙肉意粉中規中矩~ 其實味道不錯, 但意粉淋咗d… 最敗筆係好地地一個意粉加咩翠玉瓜! 搞到中唔中西唔西… 味道亦唔太夾…
阿朱其實係餐飲~ 阿華田 + 朱古力!! 呢兩樣野都係我飛佛~ 竟然比佢地唸到溝埋黎飲! 不過呢, 有創意又未必一定好味… 因為阿華田嘅甜味搶去唔少朱古力味, 唔知本身杯野係淡定點硬係兩隻味都唔突出… 可能是但一樣會好飲d…
::: 黑椒西冷牛扒鮮菇飯 + 香蕉朱古力 ::: $50
諗住呢個應該都會好西式啦, 點知同忌廉煙肉意粉一樣不中不西~ 賣相係一個茶餐廳都食到嘅黑椒牛柳絲飯, 黑椒係港式嘅黑椒汁, 叫牛扒但係唔知點解切晒絲~ 抵死嘅係又加咗翠玉瓜, 菇又係好中式… 唔係話佢唔好食, 味道比茶餐廳嘅黑椒牛柳絲飯好味, 但係有少少估佢唔到… 香蕉朱古力比阿朱好, 有蕉味又唔會搶晒朱古力味, 值得一讚!
地點唔算難搵, 但就真係難入去~ 因為地方太迫夾, 而且要行少少樓落去的. 不過佢地服務態度非常好, 客人行出行入都會提佢地小心碰頭, 亦會主動介紹菜式. 雖然地方真係細到只能用下4張台到, 但仍然裝部電視仔比人睇~ 仲有雜誌架~ 加上有創意嘅fusion食物, 我覺得係值得推介的!
Post
