紅蕉 (Closed)

與舊同學吃飯，在網上看到這店的食評不錯，於是來此一試。兩個人，叫了一個是日晚餐、一客焗意粉及一客小食。周打海鮮湯(跟餐)：頗大碗，配料很足，但太稠，很糊口。黑椒金菇牛柳飯($54)：牛柳很焾而且份量頗多，金菇OK。配料有青椒和翠玉瓜，份量十分多他夠焾。黑椒汁不會太鹹，香味足，但略稠。蕉神(+$9)：這個特飲是柯華田加香蕉。既有柯華田的朱古力味，也有蕉的香甜味，二者配合起來，很不錯啊！紅蕉飯焗($48 + $3轉意粉)：這個焗意粉的配料是鴨胸、香蕉、雜菌和茄汁。香蕉和鴨胸排得很整齊，賣相漂亮。鴨胸很焾，肥肉不多；香蕉香甜但太焾；雜菌份量多，味道OK；意粉爽焾適中；茄汁很多又香濃，很開胃，但略稠。白酒忌廉炒雜菌($40)：主要是金菇、秀珍菇和蘑菇，份量非常多，味道OK。汁料的味道不錯，但略稠，有點膩。最後吃不完啊～埋單$154，價錢合理。食物好味，但汁料全都太稠。不過，用蕉製作成不同食品，還有一些特別的名字，很有心思。地方比較細小，勝在可容納的顧客不多，環境不太嘈吵。兩三個人聚餐談天，是十分好的地方。

最近公司 change office, 去了太古坊, 好自然就會周圍揾野食! 同事住嘉享灣, 話西灣河有好多又平又好味嘅restaurant . 上星期放工就帶咗我地去呢間紅蕉.第一感覺 - 好紅 !!! 同好細, 但原來入面有幾多位!!!未聽過用蕉焗意粉, 感覺幾新鮮決定試下! 甜甜地再加芝士真是幾得意!同事一坐低就叫咗個芝士garlic bread, 係勁香, 勁好味!有好多嘢飲名都唔知係乜但店員都ok, 會解釋. 生果凍凍都ok, 好多生果粒粒會再來試下其他古怪嘢!最重要係價錢ok . 3 個人都只係$250 好滿足

是夜點了芒果火腿沙律, 像幼稚園學生一齊正沙律的感覺, 散修修, 可能有老師帶住, 無佢地咁難食。還叫了晚餐B, 從未食過如此難食的螺絲粉~! 蝦, 急凍的完全無味, 只有三只, 茄汁, 不如你比支地門茄汁我自己撈無咁嬲。最離譜係個周打蜆湯, 金寶湯, 有無搞錯?!一坐低, 有位男職員介紹我地要芝士garlic bread, 誠意難卻, 要我地叫兩塊, 食咗一啖, 真係唔可以再食, 佢啲牛油係剛好直逹面包底部,只有咸, 同埋好討厭既發水面包~!下次..無下次了，我七點十分落ORDER, 個螺絲粉夠膽七點四十五分先放係我枱面。

某晚放早, 乘車經過西灣河太安樓, 忽然想去掃街當晚飯, 便跳下車, 走進那些「黑擝擝」的人行巷但其實幾十年前的商場都是這個樣子的。後來又想找個地方正正經經吃飯, 想起了風評不錯的紅蕉, 應是全個場除了對著大街那幾家連鎖店, 還有三數家粉麵店之外, 唯一有正餐吃的地方。一入店內, 醒目紅牆上赫然出現一隻大蕉, 先聲奪人, 但是有點狹小的開放式廚房旁邊, 就只有三數張桌子。 雖然坐得有點逼夾, 並且店內瀰漫著一股油煙之氣, 但有雜誌看喎, 又不錯。看看餐牌, 已夠讓人發噱, 勁搞 gag, 要喝東西嗎? 你要「口乾乾」、「勁口乾」還是「特別口乾」? 來件「頭文治」(三文治) 又如何?當然囉, 叫得做「紅蕉」會不會有用蕉做的食品呢? 答案是有的, 而且有很多種類, 連你想不到會有香蕉在的地方, 例如飯麵, 都可以加隻蕉! 佩服! 餐牌上有隻蕉的項目便是有香蕉的份兒了。紅蕉飯焗 ($48) 押上店名, 應是招牌菜。 顧名思義, 是香蕉焗飯, 除了香蕉之外, 其實是炒飯底加茄汁和鴨胸片來焗。即叫即焗熱辣辣, 等的時候來另一杯也是有香蕉的士多啤梨香蕉乳酸凍凍 ($21)。材料就是士多啤梨 + 香

係openrice 見到好評, 行過打算試下不過佢個餐牌真係好難明, 好多怪名... 唔理喇, 入左去先門面: 鋪入面有2 張小檯, 有個吧檯...仲有個"小山洞" 落完樓梯就別有洞天, 有2張4人檯, 2張2人檯牆身真係好紅, 但都開始變殘舊喇服務: 個姐姐好有禮貌, 經常提醒客人小心頂頭不過出菜有d慢衛生: 太安樓好難好清潔乾淨入正題, 叫左一個set dinner A ( 白汁海鮮元貝意粉+周打蜆湯+凍飲), 芝士蒜蓉包 同焗蕉蕉芝士豬排飯芝士佈滿成塊包, 蒜味都夠, 略嫌芝士唔夠creamy 個湯好香濃, 好夠料, 同出面的餐湯唔同, 因為佢好"杰" ~好味普通材料, 汁都係普通, 不過味道ok的, 唔特別我期待左好多, 個汁同意粉個白汁一樣, 無咩特別, 料多, 好多菇同豬排條條, 面頭個焗蕉真係好特別, 同個飯好夾** 小貼士: 除了有蕉的飯/意粉, 其他都是普通野 **

Have heard a few friends recommend this place before... but never had chance, today was my day off so I thought I would come here with friends.The decorations was very attractive, it was all red and very sharp!!!The staff had an extremely good attitude, better than most hotels!!!Food was absolutely delicious esp the garlic bread with a lot of cheese!!!Price was ok, it is reasonable with the standard of the food! It is the perfect place for dinner when you want some quality food!!!

上次同朋友練完音樂去覓食老師就介紹呢間唔係講笑真係好隱蔽出入真係要小心爆頭睇到餐牌第一眼覺得真係好貴D名好怪唔係好明問咗好多次係咩野食=.=///叫咗個餐廳推介嘅芝士香蕉意粉(個名都唔記得咗)同蕉蕉Mocha約$50先到係Mocha有D香蕉粒係入面好果大粒D同多少少會好好多但整體不錯意粉個size係足夠芝士量都夠成個配合好香真係好好味50蚊都算不錯食完都覺得會幾值

是次為左去西灣河睇電影節先有機會黎到呢間完全唔起眼既餐廳。佢個門口好隱閉，唔係睇openrice都唔知有呢間野，加上佢個門口係好矮，個人高d都過唔到。成間舖都係用紅色牆，好誇張既裝修!舖仔細細，但係都差唔多坐滿人。我地兩個人叫左兩個套餐︰1. 蘑菇忌廉湯︰好香既菇味，夠濃郁2. 黑椒豬肉螺絲粉(有蕉)︰佢有個好怪雞既名，唔記得係咩。出奇地黑椒同蕉好來，一辣一甜，幾有趣3. 白汁魚柳意粉︰香蕉當然唔少得喇，但係蕉味冇咁出仲飲左兩杯有蕉既飲品(所有menu上既飲品都有蕉)，雖然唔算太特別，但係本人佩服老闆既心思去設計咁多有趣既名! 而且貫徹始終以蕉為主題! 太安樓果然係咩都有!

女朋友之前已經想吃呢間野啦今次就成全左佢同佢吃去到位都唔使等就入得老闆好熱情(有時太過熱情)不停問要唔要電視位坐係上面咋無得坐落去 希望下次有機會坐落下面坐好之後就叫左老闆熱烈推薦既 法式芝士焗蒜茸包 $25芝士蕉蕉牛扒焗飯 $43蕉積芝士焗墨魚汁闊條麵 $52最後叫左杯蕉神(飲品) 跟餐價$9個包用左好多芝士 正!!!蒜茸味又夠不過勁多牛油!!一定肥死我女朋友!!焗飯同闊條麵味道差唔多 幾好食多左蕉味同香蕉片 好特別!最緊要係用左車打芝士!! 正呀!!我覺得個飯好食D!蕉神就真係一般 只可以話重蕉味唔知係唔係香蕉乳酪呢?!有雜誌睇 唔錯下次可以黎飲下野不過一路食老闆又叫我女朋友起身又坐低又坐出又坐入因為隔離檯走佢又要收檯又要開檯佢又想俾個電視位我女朋友都算係好意既 不過有時唔知佢想點囉$43+$52+$25+$9 = $129不過唔知點解佢收左$118所以俾多幾蚊佢做TIPS啦下次會再黎

由細細個都已經住係西灣河,,仲要住係太安樓附近ge我...就係上黎openrice無意中先發現到red banana哈哈,,見各位打ge食評都好似幾抵,,於是就去試一試,, 去到ge時候,,見到門口餐牌,,三十幾蚊,,有意粉,,湯同野飲~都真係幾抵,,所以立刻推門而入,,,就有位哥哥仔帶我地入去坐~~但就要彎低身落去下面個房仔,,初頭有d驚驚地,,因為未去過食,,又要落去下面個房仔坐,,個時下面係冇其他客人ga!!!!!!但坐低左之後呢,,跟住就有一對夫婦黎幫襯,,哈哈,,見到有其他人,,即刻放心晒個房仔度有幾張枱,,有電視,,仲有雜誌睇,,感覺幾舒服..過左陣都有幾他客人,,多數都係熟客..今次第一次食,,就叫左2個餐..a + b餐然後職員推介試芝士蒜蓉包~~跟餐+ $13..見唔算貴就試下餐湯係周打蜆湯,好味...之後個芝士蒜蓉包都好好食..然後個嫘絲粉同意粉都ok,,但唔記得個名係咩然後餐飲叫左"阿蕉"同"蕉仔latte"..2杯都好重蕉味~latte就有d苦苦地,,,haha,,飲完先記得冇影到相整體黎講幾ok,,野食夠熱,,環境幾舒適,,價錢係晚餐黎講幾抵,,埋單都係$11

11月20日, 今日同呀比走到西灣河搵食~ 估唔到太安樓除咗車仔麵, 仲有一間咁有趣嘅西餐小店! 有趣在哪? 就係以蕉入饌!::: 白酒忌廉煙肉意大利粉 + 阿朱 ::: $50晚餐有多款選擇, 部份意粉焗飯仲會加入香蕉做材料~ 不過今晚想食白汁意粉, 所以都係唔試蕉野住… 晚餐包括特濃雜菌忌廉湯, 賣相精緻, 忌廉湯本身好厚身, 菌味香濃, 真係幾好味!! 白汁煙肉意粉中規中矩~ 其實味道不錯, 但意粉淋咗d… 最敗筆係好地地一個意粉加咩翠玉瓜! 搞到中唔中西唔西… 味道亦唔太夾… 阿朱其實係餐飲~ 阿華田 + 朱古力!! 呢兩樣野都係我飛佛~ 竟然比佢地唸到溝埋黎飲! 不過呢, 有創意又未必一定好味… 因為阿華田嘅甜味搶去唔少朱古力味, 唔知本身杯野係淡定點硬係兩隻味都唔突出… 可能是但一樣會好飲d…::: 黑椒西冷牛扒鮮菇飯 + 香蕉朱古力 ::: $50諗住呢個應該都會好西式啦, 點知同忌廉煙肉意粉一樣不中不西~ 賣相係一個茶餐廳都食到嘅黑椒牛柳絲飯, 黑椒係港式嘅黑椒汁, 叫牛扒但係唔知點解切晒絲~ 抵死嘅係又加咗翠玉瓜, 菇又係好中式… 唔係話佢唔好食, 味道比茶餐廳嘅黑椒

是日到西灣河聽音樂會，之前明查暗訪之後得之紅蕉似乎不俗，結果...竟然比我估計的更好，服務更友善！先講鋪面裝修，的確如其他食評所寫一樣，鋪頭的確比較細少，但勝在設計獨特，有少許歐陸小店味道，細少的鋪頭更適合飲野傾計，老友聚會。再講服務態度，本來鋪頭會係3點到7點落場買貨，我因為私人問題，希望7點前到鋪頭先放低蛋糕，之後再來享用晚餐。本來老闆可以一口拒絕，但他最後比約定時間更早回到鋪頭，令我可以舒舒服服到隔離個文娛中心聽音樂會。之後老闆更不時o黎搞氣氛，服務態度抵讚！最後到食物，是日點了一個粉一個飯，再加一個薯皮，由於所有食物都是即叫即做，所有食物都係新鮮出爐，今時今日真係好難搵到一間餐廳係咁做！焗薯片真係好好食，值得推介！總括而言，妅蕉真係唔錯！

坐在太古城下面STARBUCK一個黃昏到晚上用LAPTOP睇openrice搵野食幾年前開始都偶爾食過下上一次帶男朋友黎食佢唔多鍾意今次我同佢都無點set dinner的dishes我們叫了russian 鴨胸墨魚汁螺絲粉&兩個都係$50我後來加左$9要南瓜湯個白汁豬柳墨魚汁闊面好味個面略嫌少左一點點不過我之前叫唔係墨魚汁的野好似會多d同埋佢都多其他配料又紅又黃果d似椒的stuff但我唔食呢d野所以覺得好浪費位置個豬柳好lum好好味南瓜湯我嫌佢太過南瓜了似食緊成個瓜咁以前成日貪set dinner 抵so就算唔太like都叫今次食過cosy d覺得好味d男朋友都好滿意佢果個開心=)

2個人黎食.都3,4 年冇黎講! 我叫左一個白汁好似叫咩蕉蕉墨魚汁闊面? 另外bf叫左一個又係白汁0既蕉蕉焗雞皇飯..~ 其實2個個味道都好好.不過d料我覺得可以多返小小..eg 加d 楊葸咁.! 同埋佢d 秀珍姑好似唔夠熟-_-" 但個汁幾濃. 又夠熱...!飲品..我叫左一個banana smoothie..好多蕉肉! 正..bf叫左蕉latte..都幾好味.我飲左幾淡..! 不過個個人覺得蕉同咖啡唔太match!整體都幾好呀109埋單.~ 仲有得埋睇成集宮心計.又有雜誌睇..老細service 都唔係之前d食評講得咁差..佢幾polite..又笑笑口..!

食品等好耐!野食細份!唔足料!!樣樣食物都差唔多味!!!咩調味都無...(問男老細有無芝士粉,無wo算,服務180度變差!!!)