雄丼丼 (Closed)

係呢條巷，有 4 間餐廳，就得呢一間冇名/招牌，餐牌都冇餐廳名既，就連收據都冇印。不過點都好啦，食晏時間，正如同事所講，狗s 都有人排隊呀！當然，我唔係話呢間鋪係出狗s 啦！相反，呢間小店唔錯喎。似係日式，因為個餐牌得文字，我只可以睇到個午市菜單，所以真係得個估字啦！最後食到尾，問下個哥哥仔，呢間餐廳點稱呼呀？先知叫「紅當當」，係好食既，都唔知點介紹俾朋友呀...，有少少失策！講返食物啦！我今日食既係 J2. 無菌溫泉蛋燒汁牛肉丼。肥牛呢...係一般貨，唔係上等既，但勝在煮得都唔錯，大大碗，有隻蛋蛋(白)，冇蛋黃既，我覺得係可以接受既。服務方面...，幾好，賣晒奶茶，會即刻話你知，見你個位冇餐巾，又會主動幫你補返。我 buy 架...哈哈