Video
Read full review
2023-07-03
36 views
呢間韓式餐廳有兩度門可以進出，一個從商場入口；另一個從後巷樹蔭小路進入，此小路非常幽靜，並擺放著餐檯，可供戶外用餐，至於室內都幾開揚闊落，坐得幾舒服🥢前菜 $0有經典泡菜、番薯、青瓜及香腸西蘭花，有四款之多，免費都完全唔欺場👍🥢醬油蟹（連飯）一隻 $270醬油蟹多膏又大隻，醬油清爽，配飯食一流，仲要係紅米飯添，非常健康；我哋初頭都驚醬油蟹太寒唔夠膽叫，不過俾我哋諗到叫埋人參雞湯，一寒一熱平衡番，咁咪唔驚囉🤣🥢藥膳人蔘雞湯 $168最鍾意人蔘雞裏面嘅糯米，有雞香味之餘又有人參味，湯頭濃郁，仲非常暖胃，就算食咗生蟹咁寒涼嘅食物，都冇有怕💪另外，我哋再叫多個炸雞🥢原味炸雞+芝士球3粒（半份）$130仲跟咗細細兜雜菜沙律，減輕罪惡感之餘仲好清爽😋；炸雞炸到熱辣香脆，真係熱到辣手，肉質juicy唔乾柴，調味適中，有6件雞包括有雞胸、雞髀、雞翼及雞背，非常全面🤩；而芝士球質地Q彈爽口，芝士味香濃仲可以拉絲添🫠叫咗炸雞又點會唔嗌酒飲呀😝，我哋當然入鄉隨俗，叫韓國清酒🍶🍶清河清酒 $80味道柔順清醇，啖啖米香味，非常易入口仲未飽於是叫咗個👇🥢炸蝦紫菜包飯 $75蝦肉炸得香脆熱辣，裡面有紅蘿蔔青瓜，增添
🥢前菜 $0
有經典泡菜、番薯、青瓜及香腸西蘭花，有四款之多，免費都完全唔欺場👍
🥢醬油蟹（連飯）一隻 $270
醬油蟹多膏又大隻，醬油清爽，配飯食一流，仲要係紅米飯添，非常健康；我哋初頭都驚醬油蟹太寒唔夠膽叫，不過俾我哋諗到叫埋人參雞湯，一寒一熱平衡番，咁咪唔驚囉🤣
🥢藥膳人蔘雞湯 $168
最鍾意人蔘雞裏面嘅糯米，有雞香味之餘又有人參味，湯頭濃郁，仲非常暖胃，就算食咗生蟹咁寒涼嘅食物，都冇有怕💪
另外，我哋再叫多個炸雞
🥢原味炸雞+芝士球3粒（半份）$130
仲跟咗細細兜雜菜沙律，減輕罪惡感之餘仲好清爽😋；炸雞炸到熱辣香脆，真係熱到辣手，肉質juicy唔乾柴，調味適中，有6件雞包括有雞胸、雞髀、雞翼及雞背，非常全面🤩；而芝士球質地Q彈爽口，芝士味香濃仲可以拉絲添🫠
叫咗炸雞又點會唔嗌酒飲呀😝，我哋當然入鄉隨俗，叫韓國清酒🍶
🍶清河清酒 $80
味道柔順清醇，啖啖米香味，非常易入口
仲未飽於是叫咗個👇
🥢炸蝦紫菜包飯 $75
蝦肉炸得香脆熱辣，裡面有紅蘿蔔青瓜，增添清爽口感，爽爽脆脆，唔覺唔覺食多咗🤭
Post
