Video
Read full review
2019-03-27
770 views
記得曾經睇過啲餐廳介紹，觀塘有一間好味餃子位處工廈，今日出黎觀塘又心思思想食餃子，點知搵左一陣都唔見工廈餃子，當以為自己記錯嘅時候，終於都發現到原來就係蒲公英和牛專門店!!! 就咁睇個餐廳名，真係點都估唔到會係食餃子，既然咁辛苦終於搵到佢，當然就要去試下啦!😆😆😆駱駝漆大廈三期有好多野食，只係一樓都有幾間餐廳，今次嘅目標門口係寫明賣凍肉，有牛有豬可以慢慢揀。但望入店就見到有幾個姐姐係度密密手咁包同煮餃子。原來依間和牛專門店除左俾你買凍肉同餃子拎走，仲可以揀岩靚肉即時煎黎食同食水煮即包餃子。餃子有得2款基本味道：韮菜黑豚肉 同 白菜黑豚肉，分別可以揀 12隻 ($42) 或 15隻 ($50)，單雙拼都係同樣價錢。依度有一個特別之處就係餃子有分薄皮同厚皮，姐姐介紹兩者分別在於口感，薄皮滑啲而厚皮就煙韌啲，不過第一次幫襯佢就推介食薄皮先，可以試下岩唔岩自己口味。我地今次就揀左韮菜同白菜各15隻做我地今晚嘅晚餐。餃子唔係放湯上，薄皮真係有隱約見到餡，粒粒都飽滿。姐姐建議第一次試食可以食左原味先，之後再決定要點醋/ 日式芝麻醬或者豆板醬。我自己就鍾意醋，佢依度嘅醋都唔會好濃味，點少少吊下味就岩
駱駝漆大廈三期有好多野食，只係一樓都有幾間餐廳，今次嘅目標門口係寫明賣凍肉，有牛有豬可以慢慢揀。但望入店就見到有幾個姐姐係度密密手咁包同煮餃子。原來依間和牛專門店除左俾你買凍肉同餃子拎走，仲可以揀岩靚肉即時煎黎食同食水煮即包餃子。
餃子有得2款基本味道：韮菜黑豚肉 同 白菜黑豚肉，分別可以揀 12隻 ($42) 或 15隻 ($50)，單雙拼都係同樣價錢。依度有一個特別之處就係餃子有分薄皮同厚皮，姐姐介紹兩者分別在於口感，薄皮滑啲而厚皮就煙韌啲，不過第一次幫襯佢就推介食薄皮先，可以試下岩唔岩自己口味。我地今次就揀左韮菜同白菜各15隻做我地今晚嘅晚餐。
餃子唔係放湯上，薄皮真係有隱約見到餡，粒粒都飽滿。姐姐建議第一次試食可以食左原味先，之後再決定要點醋/ 日式芝麻醬或者豆板醬。我自己就鍾意醋，佢依度嘅醋都唔會好濃味，點少少吊下味就岩岩好喇。韮菜餃好香，而白菜就爽口啲，2款味道都唔會好重味精味，食完唔會好口渴。不過黑豚手果方面，我就唔係好食到個分別喇。😂😂😂
雖然依間係和牛專門店，不過眼見大部份人都係食餃子，間唔中聽到煎扒嘅聲音，睇黎餃子嘅吸引力大好多哈哈。
Post
