Video
Read full review
2020-07-16
397 views
朋友相約食飯，俾咗個地址我，以為係雅蘭中心落去地庫，點知搵嚟搵去都搵唔到，問保安先知原來要喺山東街嗰邊入口落去。近來啲食肆都靜英英，今晚都唔例外，不過反而可以慢慢坐慢慢傾幾好。望吓餐牌，比呢個「爐端厚燒鰻魚丼」（ $78 ）吸引咗，佢寫住特厚同埋即燒，好想食呢！用一個靚靚嘅便當盒載住，條鰻魚果然夠厚夠大，肉質唔錯，仲好鍾意佢啲鰻魚汁添！面頭有芝麻，個底有好多蛋絲，不錯不錯！朋友就叫咗一個「味自慢叉燒拉麵」（ $64 ），我本身唔明乜嘢叫「味自慢」，而家就明白原來係日文裏面意思係「為味道而驕傲」，朋友話呢個拉麵味道來講都係唔錯嘅，麵質和湯底都好滿意，不過得兩舊五花腩就少咗啲。我哋都share叫咗醬油雞翼， $38有六支單骨，醬油味都幾重，但唔係豉油反而係甜甜地嘅味道，雞翼就炸過的。想慢慢傾偈當然要叫多兩杯飲品啦，我試咗「和歌山紀洲梅子梳打冰」（ $24 ），真係有粒梅喺面頭，好靚㗎，味道就酸酸甜甜，好似真係飲緊話梅味咁囉。朋友嗰杯蘆薈提子梳打冰似乎都唔錯呢！
近來啲食肆都靜英英，今晚都唔例外，不過反而可以慢慢坐慢慢傾幾好。
望吓餐牌，比呢個「爐端厚燒鰻魚丼」（ $78 ）吸引咗，佢寫住特厚同埋即燒，好想食呢！用一個靚靚嘅便當盒載住，條鰻魚果然夠厚夠大，肉質唔錯，仲好鍾意佢啲鰻魚汁添！面頭有芝麻，個底有好多蛋絲，不錯不錯！
朋友就叫咗一個「味自慢叉燒拉麵」（ $64 ），我本身唔明乜嘢叫「味自慢」，而家就明白原來係日文裏面意思係「為味道而驕傲」，朋友話呢個拉麵味道來講都係唔錯嘅，麵質和湯底都好滿意，不過得兩舊五花腩就少咗啲。
我哋都share叫咗醬油雞翼， $38有六支單骨，醬油味都幾重，但唔係豉油反而係甜甜地嘅味道，雞翼就炸過的。
想慢慢傾偈當然要叫多兩杯飲品啦，我試咗「和歌山紀洲梅子梳打冰」（ $24 ），真係有粒梅喺面頭，好靚㗎，味道就酸酸甜甜，好似真係飲緊話梅味咁囉。朋友嗰杯蘆薈提子梳打冰似乎都唔錯呢！
Post
