Video
Read full review
2024-12-19
117 views
《粋 - 尖沙咀》唔講唔知，平時成日行過街道原來藏住一幢收埋左咁多間食日式料理既大廈，如果唔係熟人介紹，都真係唔會發現呢間高級壽司店🍣 午市過黎食omakase 就最抵食啦，我同朋友揀左lunch set 既壽司十二貫 $460，個餐入面仲有前菜沙律、鱈魚絲、茶碗蒸、味噌湯同埋甜品，份量剛剛好，除左我呢個set 外，佢地仲有不少定食、丼飯同壽司set可以選擇🥰💁🏻♀️深海池魚食完沙律同埋脆脆鱈魚絲之後，就到左我最期待既手握壽司環節啦😍第一件係食落清爽既深海池魚壽司🍣用左柚子皮調味，感覺好清新好開胃💁🏻♀️北海道帶子呢件都係用左柚子皮調味，帶子既質地同平日食既好不同，呢件既係一絲絲的好黏糯，係要新鮮既帶子先做得到架💁🏻♀️北海道甜蝦 上面落左少少藍色蝦子🦐質地黏黏的好香甜，落少少醬油已經好好食💁🏻♀️炙燒鮫鰈魚配油甘魚 又係一件好香油份既壽司🍣油甘魚本來肉質都好肥美，再喺上面放上炙燒左既鮫鰈魚，即係右口魚🐟燒過之後既魚油更香濃，食落更幼滑，口既油香久久不散🥰💁🏻♀️野生油甘魚 即係鰤魚，野食既肉質比平日食到既更爽口，魚油都好充，上面放上白蘿蔔蓉解膩💁🏻♀️醬油漬赤身近年我都幾喜歡食漬左既
唔講唔知，平時成日行過街道原來藏住一幢收埋左咁多間食日式料理既大廈，如果唔係熟人介紹，都真係唔會發現呢間高級壽司店🍣 午市過黎食omakase 就最抵食啦，我同朋友揀左lunch set 既壽司十二貫 $460，個餐入面仲有前菜沙律、鱈魚絲、茶碗蒸、味噌湯同埋甜品，份量剛剛好，除左我呢個set 外，佢地仲有不少定食、丼飯同壽司set可以選擇🥰
💁🏻♀️深海池魚
食完沙律同埋脆脆鱈魚絲之後，就到左我最期待既手握壽司環節啦😍
第一件係食落清爽既深海池魚壽司🍣用左柚子皮調味，感覺好清新好開胃
💁🏻♀️北海道帶子
呢件都係用左柚子皮調味，帶子既質地同平日食既好不同，呢件既係一絲絲的好黏糯，係要新鮮既帶子先做得到架
💁🏻♀️北海道甜蝦
上面落左少少藍色蝦子🦐質地黏黏的好香甜，落少少醬油已經好好食
💁🏻♀️炙燒鮫鰈魚配油甘魚
又係一件好香油份既壽司🍣油甘魚本來肉質都好肥美，再喺上面放上炙燒左既鮫鰈魚，即係右口魚🐟燒過之後既魚油更香濃，食落更幼滑，口既油香久久不散🥰
💁🏻♀️野生油甘魚
即係鰤魚，野食既肉質比平日食到既更爽口，魚油都好充，上面放上白蘿蔔蓉解膩
💁🏻♀️醬油漬赤身
近年我都幾喜歡食漬左既赤身，肉質更軟同埋無左陣魚血味，同壽司赤醋飯既味道好合拍，十分開胃
💁🏻♀️中拖羅
第二件食既呑拿魚就當然係中拖羅啦🥰味道甘香無筋，入口呈現半溶既狀態，一半油香一半肉香，係我最喜歡既呑拿魚部位
💁🏻♀️大拖羅
今次既大拖羅有用微微炙燒既方式處理過，質地柔軟，味道甘甜，燒過更加爆發到魚肉既香氣同埋油份👍🏻大滿足💁🏻♀️赤貝
每次食赤貝，最鍾意就見到師傅打個赤貝嗰一下🤭勁得意，個貝用左柚子調味，食落爽口有海水味，彈牙的幾好食
💁🏻♀️松葉蟹及蟹膏
一件壽司食到松葉蟹既兩個部分，蟹肉一絲絲的，重蟹味同埋有陣陣既奶香，配埋佢啲膏一齊食超濃郁既蟹味
💁🏻♀️馬糞海膽
見到海膽，即係代表就到呢一餐嘅尾聲，師傅俾我哋嘅份量都好佛心，一大pat海膽鋪滿咗件壽司，紫菜食落香脆，一啖食落口好滿足，海膽十分鮮味
💁🏻♀️鯖魚卷
之後就係食卷物嘅時候，新鮮嘅鯖魚食落會係滑捋捋，味道有少少酸酸哋，用咗白昆布包住炙燒過嘅鯖魚肉，食落有層次，味道帶點甜
💁🏻♀️吞拿魚卷
最後一件吞拿魚卷係呢度人氣嘅手卷，紫菜經過看過之後特別香脆，可以即場睇住師傅製作吞拿魚蓉，用上咗肥美嘅吞拿魚肉再加上天婦羅脆脆，除咗有吞拿魚蓉軟糯嘅感覺之外，仲食到卜卜脆嘅口感，落少少壽司豉油已經好好
食完壽司之後，店員會安排味噌湯同埋茶碗蒸俾我哋暖一暖個胃，當日嘅茶碗蒸有好香嘅高湯味，而我印象比較深刻嘅一定要講佢個味噌湯，味道清甜，飲完之後好舒服同埋好解膩，最後就梗係食埋佢個甜品雪糕啦，呢一個lunch食咗兩個幾鐘好圓滿
Post
