築地日本料理 (結志街) (Closed)

中上環商業區林立，下午去上環做野，收工和同事經過附近，見有間掛着紅燈籠嘅日式料理，就順便食埋晚飯先返屋企。店舖有兩層，面積唔算大，但都坐得舒服，牆上貼滿日式動畫海報，播放着日本輕快歌曲，充滿日本懷舊風格。我哋叫咗日式海鮮茶碗蒸、汁燒魷魚筒、日式豬扒滑蛋丼同清酒煮花蜆。日式海鮮茶碗蒸蛋滑得黎有蛋香，材料豐富，有鳴門卷，冬菇片，蟹柳粒同雞肉。汁燒魷魚筒原隻切片，有炭燒香味，煙韌有嚼勁。清酒煮花蜆清酒浸透入蜆肉，蜆肉夾雜清酒味道，又不失鮮甜。日式豬扒滑蛋丼，滑蛋半熟，洋蔥絲幾多，豬扒厚身唔鞋，丼飯大碗👍總評：日本地道風味，性價比唔錯🙆‍♂️