彩

Open Now

Now Closed

網上見到呢間沾麵店好出名，所以今日特登嚟試吓，不過地點真係好隱蔽，係一條唔起眼既橫街入面，連門口都冇太大嘅標誌，爭啲以為自己去錯咗地方。餐廳有幾款湯底可以揀，有豚骨，黑蒜油同蝦味增，我叫咗豚骨沾麵，試下最基本嘅湯底，面底方面都有得揀，分別有小麥面，黑胡椒面同埋伯爵茶面，有選擇困難症嘅朋友真係搞唔掂🤦🏻‍♂️講講嘢食，佢哋嘅份量其實非常多，如圖所見碟面真係好大碟。湯方面，餐廳只係用咗一隻普通嘅瓷碗裝住，食到後面碗湯就會唔夠熱。值得一讚嘅係佢哋好有心思，將餐廳logo印咗喺紫菜上邊，增加賣相。至於湯底，味道10分鮮明濃郁，加上有唔少油係面，配搭麵條嘅時候會特別順滑，可惜麵條嘅掛湯能力唔夠，可以喺下面嘅圖睇到，叉燒方面就非常林好食，食材有經過嚴選。總結來講，其實湯底都好食嘅，麵底有多款選擇都好有創意，不過作為一間沾麵店，我認為有幾樣野需要改善一下，包括能夠保持溫度嘅裝湯器皿同埋掛湯能力 。