Coti (鴻圖道)

Open Now

Now Closed

最近好鐘意去觀塘行街順便搵餐廳,今次黎到左一間都幾隱蔽下既餐廳位於鴻圖道90號,呢間CAFE雖然細細間但人流都幾多,D位都係梳化絨布椅,放假過黎同朋友一齊食野都幾CHILL,店內環境以木質同悠和燈光為主,主要係食ALL DAY BREAKFAST,我地叫左一個all day breakfast入面有唔會好油既雞扒,嫩滑既炒蛋,好甜既哈蜜瓜,沙律同埋茄汁豆等等,另一款食物我地叫左滑蛋鰻魚飯,鰻魚大大塊多汁,滑蛋加鰻魚一啖過咁食,加埋日本珍珠米,味道不錯,即叫即整,熱辣辣咁,飲品朋友叫左一杯蜂巢鮮奶咖啡,蜂巢用料十足,用左天然蜂巢蜂蜜味香濃,加埋明治牛奶同咖啡真係好好飲,小編推介。另一杯如果係朱古力迷就一定會鐘意,呢杯叫dirty chocolate coffee飲完真係會搞到成手同成口都係朱古力粉所以飲既時候要小心d,杯朱古力仲刨左好多朱古力碎滿佈杯面,勁濃郁朱古力味。